Soma Biblia Kila Siku 01/2024Mfano

Yesu alitwaa mwili katika bikira Mariamu. Mimba yake ilitungwa kwa uwezo Roho Mtakatifu. Mwanzoni, hata Yusufu aliyekuwa mchumba wake Mariamu hakujua mpango wa Mungu. Aliazimu kumwacha kwa siri Mariamu ili kumwepusha na aibu. Yusufu alikuwa mtu wa haki, tena alimpenda Mariamu. Baada ya kujulishwa na Mungu kuwa mimba aliyokuwa nayo Mariamu ni kwa uwezo wa Roho Mtakatifu, Yusufu akamwoa Mariamu. Mtoto akaitwa Yesu, sawa na malaika alivyomwambia,Utamwita jina lake Yesu, maana, yeye ndiye atakayewaokoa watu wake na dhambi zao(m.21). Jina linaeleza sababu ya kuzaliwa kwake, kwamba atakuwa mkombozi wa ulimwengu.