Soma Biblia Kila Siku 04/2024Mfano

Jina la mtoto wa pili, Lo-ruhama, latabiri kuwa Mungu hataendelea kuihurumia Israeli (Ufalme wa Kaskazini) kwa sababu ya ugumu wa mioyo yao, bali huruma yake itakuwepo upande wa Yuda (Ufalme wa Kusini), wakimtegemea Mungu wala si siasa:Nitairehemu nyumba ya Yuda; nitawaokoa kwa Bwana, Mungu wao; wala sitawaokoa kwa upinde, wala kwa upanga, wala kwa silaha, wala kwa farasi, wala kwa wapanda farasi(m.7). Jina la mtoto Lo-ami laonyesha Mungu kuikataa Israeli. Mungu hana ushirika na dhambi. Lakini mwanadamu hawezi kubatilisha mpango wa Mungu. Mungu atausimamisha na kuwaokoa watu wake, wakimtegemea kiongozi fulani atakayetokea. M.11 ni unabii juu ya Yesu:Wana wa Yuda na wana wa Israeli watakusanyika pamoja, nao watajiwekea kichwa kimoja.