Soma Biblia Kila Siku 04/2024Mfano

M.9-13a inahusu uzinzi wa kiroho. Juhudi ya kuabudu haina faida, watu wasipomwabudu Mungu kweli kweli, bali ni hasara na uangamivu.Watakula, lakini hawatashiba; watafanya zinaa, lakini hawataongezeka; kwa sababu wameacha kumwangalia Bwana(m.10). Angalia jinsi uasi wao wa kiroho ulivyojidhihirisha katika hali ya kimwili pia, ibada za miungu zikifuatana na uasherati pamoja na makahaba (m. 14:Wao wenyewe huenda kando pamoja na wanawake wazinzi, hutoa dhabihu pamoja na makahaba). Maonyo yanatolewa kwa Yuda, Ufalme wa Kusini, ili wasiige maovu ya Israeli (Ufalme wa Kaskazini). Hii ni onyo kwetu pia, tusiishi kwa kuiga maisha maovu ya watu wengine, bali tuishi kwa kufuata Neno la Mungu.