Soma Biblia Kila Siku 04/2024Mfano

Hosea ni muhtasari wa kuharibika kwa Israeli. Wamelivunja agano la Mungu. Wafalme wao sio chaguo la Mungu, kwa hiyo wamegeuka kuwa mzigo kwa Israeli. Hawamjali Muumba wao, bali maabudu yao ni ya kipagani.Kwa fedha yao na dhahabu yao wamejifanyizia sanamu(m.4). Wamejinunulia upendo kwa nchi jirani,kwa maana wamekwea kwenda Ashuru(m.9), lakini upendo wa Mungu haununuliki kwa matoleo. Haohutoa dhabihu ya nyama na kuila; lakini Bwana hawakubali(m.13). Hali waliyo nayo kwa sasa inafananishwa na punda wa mwituni asiye na kiongozi. Maana tukikataa kuongozwa na Mungu, hayupo kiongozi mwingine wa kuaminika. Mwishowe watapelekwa uhamishoni.