Soma Biblia Kila Siku 04/2024Mfano

Israeli waliongeza madhabahu na kuabudu sana, maana walidhani baraka zilitoka hapo. Lakini walichokipanda kwa njia hiyo ndicho wanachokivuna sasa, yaani hukumu (m.4:Hunena maneno yasiyo na maana; huapa kwa uongo wafanyapo maagano; basi ndipo hukumu huchipuka kama mbaruti katika matuta ya shamba). Haitakuwa kama walipomtumikia Bwana. Hapo waliipenda kazi yao na kuvuna fadhili. Efraimu ni ndama aliyefundishwa, apendaye kupura; … uchimbueni udongo wa mashamba yenu, kwa maana wakati umewadia wa kumtafuta Bwana, hata atakapokuja na kuwanyeshea haki (m.11–12). Bali sasa wanakula matunda ya uongo wao wakivuna uovu (m.13:Mmelima dhuluma, mmevuna uovu; mmekula matunda ya uongo). Katika m.8 imeandikwa kwambawataiambia milima, Tusitirini; na vilima, Tuangukieni. Habari hii imetumika katika Agano Jipya kueleza jinsi wasioamini watakavyotaka kujificha wasipatwe na hasira ya Mungu:Nipo watakapoanza kuiambia milima, Tuangukieni, na vilima, Fufunikeni(Lk 23:30),wakiiambia milima na miamba, Tuangukieni, tusitirini, mbele za uso wake yeye aketiye juu ya kiti cha enzi, na hasira ya Mwana-Kondoo(Ufu 6:16). Ndiomoyo wao uliogawanyika(m.2) uliowafikisha hapo.