Soma Biblia Kila Siku 04/2024Mfano

Israeli wana jina la Bwana mdomoni lakini hawamtegemei. Mikataba yao na mataifa ya kigeni inathibitisha udanganyifu huo. Mungu anawashuhudia kwa maneno haya,Efraimu amenizinga kwa maneno ya uongo ... nao wafanya agano na Ashuru(11:12-12:1). Hivyo wanafanana na baba yao mkuu, Yakobo (tazama Mwa 25:22-26; 32:24-30 kwa habari zake za kihistoria). Wafanyabiashara wa Israeli wamekuwa matajiri kwa njia ya udhalimu na hongo. Lakini hawawezi kumhonga Mungu Mtakatifu, na watahukumiwa sawasawa na matendo yao, ingawa udanganyifu wao umewafanya wasione hayo ni maovu (m.8:Katika kazi zangu zote hawataona kwangu uovu wo wote uliokuwa dhambi). Maana wamekataa kutii wajumbe ambao Mungu aliwatuma kwao.