Soma Biblia Kila Siku 09/2024Mfano

Wapo watu wanaojivunia utajiri na nguvu zao na kuwanyanyasa wengine. Wote, yaani maskini kwa tajiri, ni kazi ya Mungu. Mwimbaji wa zaburi hii anatukumbusha kuwa maisha ya tajiri na maskini ni sawa, kwani wote wanakufa. Tajiri hawezi kumpa Mungu fedha ili azuie kifo chake. Kwa fedha watu hawawezi kununua haki ya kuendelea kuishi. Hata mtu angekuwa na fedha kiasi gani, kifo ni lazima. Kinachotakiwa kwa tajiri na maskini ni kumtegemea Mungu na ukombozi wake, wakiamini kama mwimbaji wa zaburi hii katika m.15:Mungu atanikomboa nafsi yangu, Atanitoa mkononi mwa kuzimu, maana atanikaribisha. Kwake Mungu kuna uzima wa milele.