Popular Bible Verses from SAN JUAN 15

షేర్ చేయి

Che ko jae uva iɨ, jare pe reta ko jae jäka reta. Jókuae oiko cheré vae jare che jese vae jetata ia. Echa mbaetɨ peï cheré yave, ngaraa etei mbae peyapo.

Peï avei cheré, che aï peré rami. Metei jäka oyeasɨa yave uva iɨ güi, ngaraa ipuere ia. Echa jäka jae aeño ipuereä ia. Jökoraita vi pe reta mbaetɨ yave peï cheré.

Peï yave cheré, jare peyapo che jae peve vae yave, peiporu peipota vae jare oyeapota ko peve.

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

Mboroaɨu tuichagüe güɨnoi vae ko omee jekove ivɨa-ïru reta re.

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

Kuae jae mborookuai amee peve vae: Peyoaɨu, che poaɨu rami.

CheRu oyemboeteuka ko jeta peia yave. Jare körai peikuaaukata pe reta ko cheremimboe reta.

Che ko jae uva iɨ añetete vae, jare cheRu ko jae uva iyangarekoa.

Jókuae mbaetɨ oï cheré vae oyemombota metei jäka oyeasɨa oyemombo yɨpi vaerä vae rami. Jare yɨpigüe oyemboatɨ jare oyemombo oyeapɨ vaerä.

Körai chemiari ma peve peyerovia vaerä che rami, jökorai peyerovia yae vaerä.

Peyapo cheporookuai reta yave, peï aveita cheporoaɨu pe. Che ayapo cheRu iporookuai reta jare aï avei ipororaɨu pe rami.

Kuae jae poyókuai vae: ¡Peyoaɨu!

Pe reta mona ɨvɨ pegua yave, ɨvɨ pegua reta peraɨuta tëi ko. Ërei che poparavo ma ɨvɨ pegua reta ipɨte güi ramo, jae reta pemotareɨ. Echa pe reta ɨvɨ peguaä ma ko.