LUKA 2
2
Lobotama la Yezu
(Mt. 11:18-20)
1Omikolo mina kaisala mokonzi Ogise apeki mitindo bato banso ba badjali o bokonzi bwa Loma bakomia nkombo. 2Yango ekelamiki mpoya mbala ya yambo ntango Kwilinio abeki moyangeli wa etuka wa Sulia. 3Bona moto munso akeiki obingumba bia bankoko bande to omamboka mande mpo akomia nkombo yande. 4Bona Yozefu aumwaniki omboka Nazaleta o etuka ya Galileya mpe akeki omboka ya Beteleme o etuka ya Yudeya. Yozefu akeiki omoi mpo abeki mokitani wa bokonzi bwa Davidi mpo mboka yande ebeki Beteleme. Beteleme eyebani bo engumba ya Davidi. 5Yozefu akeiki omoi mpoya lokomia nkombo yo Maliya mpo abeki molongani wande mpe antewa abeki na nzemi. 6Ebeki bango omoi, ngonga ya Malia ya lobota ekoki mpe aboti mwana wande wabo mwana wa lele. 7Maliya aboti mwana wande wabo, amodjingi nabitei bia bilamba mpe amotukei oezelo ya bibwele, mpo ondako ya bapaya baizwaka eyoma bito. 8Obutu buna babateli basu ba mpata babeki baka bateli mpata ya bango obobe pene na engumba beteleme. 9Na mbala yawi baeniki Anzelu yo Libanza atomiki mpe eyoma enso engengiki na nkembo ya Nkolo. Nantina ena baoki nsomo ekali. 10Kasi Anzelu abakoli: Solobanga; Nalo na nsango elau mpoya bino nde epei bato banso esengo be: 11Lelu, mobikisi wau abotami o engumba ya mokonzi Davidi, alo klisto mpe alo nkolo. 12Boka moyeba bo: nde botani mwana abotami antewa, bamonzingi o bilamba atuki o edjelo ya banyama. 13Na mbala yawi Banzelu balipinga dja lola bayei bakangana na Anzelu obeki onse, bakumie Libanza, bakoli: 14Kumia Libanza yo olo lola, mpe kimia onse na bato ba basepeli na Libanza. 15Ntango Banzelu baongoi olola, bakengeli ba mpata bakoloni bango nabango, tokende omboka ya Beteleme tu antewa mpe tokeka mwana olokoleliki Libanza. 16Omokia Balotiki mbangu omboka. Batani Maliya na Yozefu na mwana, atuki o edjelo ya banyama. 17Ntango babateli ba mpata baeni mwana bakoleliki moto munso sango ye banzelu babakoleliki mpoya mwana. 18Bato banso ba baokiki sango ya bakengeli ba mpata bakamoi. 19Kasi Maliya abombiki makambo manso mana makelamiki omotema, mpe akobiki akamanyi mpoya yango. 20Omokiya bakengeli mpata baongoi omala, bakumie Libanza be. Mpambanya makambo manso baokiki mpe baeniki, bo ndenge Banzelu bakoliki.
Batombi Yezu onda ya Libanza
21Omokolo mwa mwambi omokia mwa lobotama la mwana, ntango ekoki mpoya lotena mwana ngenga lobenga mibeko mia Moze, mpe baboti bande bamopei nkombo Yezu. Anzelu mei amopeiki nkombo ena yambo 'te Maliya akpela nzemi. 22Ekokiki mikolo mia bopeto bwa Maliya #2:22 Bopeto bwa Maliya Bo nyango wa sika, maliya ateloiki bo moto wa mbindo yango ena aengeliki lopa mbeka o tempelo mikolo ntuku inei mokia mwa lobota mpoya lomipetola mpo 'te akoka losambela Libanza elongo na basu koba(Levitike 12.1-8).lokokana na Mibeko mia Moze, Yozefu na Maliya batombiki mwana Yezu elongo nabango o tempelo o engumba Yelusaleme mpoya lomolakela omboka Libanza. 23Boekomami o mobeko mwa Libanza, mwana wa lele munso wa yambo alowa Nkolo. 24Bakeiki mpe lokapa mbeka engebene nandenge etomi mibeko mia nkolo. Mikoli 'te mbeka ya bibenga bibale toba naba bibenga bibale. 25Yabaka na moto wawi o Yelusaleme nkombo yande Simeona, Moto molau okotosa Libanza abeki aka djili ntango ekaya Libanza lobondisa Isalayele mpe molimo mosantu mulo elongo nande. 26Molimo Mosantu amokolelaka'te nde iwa bito ndoeni Yezu Klisto yo Libanza alakiki akatoma. 27Mokolo muna Molimo mosantu akambiki Simeona o tempelo, ntango Maliya na Yozefu babeki bakatombi mwana Yezu omoi mpo bamopa omboka nkolo ndenge etomiki mibeko mia Nkolo 'te bakela. 28Simeona aeniki mwana Yezu mpe amopeli omaboko mande. Omokia akumei Libanza mpe akoli: 29Nkolo nalo mosaleli wau tika nawa nakimia antewa. Mpamba bito okeli makoliki we. 30Miyo manga maeni mobikisi yo otomiki mpoya lobikia bato banso. 31Omobongei mpo bato banso baene: 32Ndabei bo mwinda mpoya lolakela Libanza na bato baiba Bayuda bito, mpe akatombela bato ba isalayele lokumu, yo alowa bino. 33Yozefu na Maliya bakamoiki na makambo makoliki Simeona mpoya mwana Yezu. 34Omokia mwa yango Simeona apamboliki baboti bande, mpe omokia akoli na Maliya, Libanza aponi mwana yo mpoya loboma bato baike mpe bato basu baike babika o Isalayele akaba bo elembo euti omboka Libanza kasi baike nde bamotelemeli. 35Yango ena, akabimia mamanyi ma bato baike mpe okaoka mawa be. 36Ntango ena ebeki na Nzeni moko wa muntaka na nkombo Ana Ango wande ebeki Fanuele awutiki olibota dja Asele. Ana abeki ekoto. Akeliki mbula nsambo olibala. Omokia moloi wande awaka. 37Bona alemiki bonzenge mpe abeki na mbula ntuku mwambi na inei. Alemeke lodjala o tempelo mpe abeki aka umbameli Libanza butu moyi losambela mpe lokila. 38Ntango baboti ba Yezu babeki wana o tempelo, Ana ayeki epai ya bango mpe abeki akapei Libanza matondi. Abeki akakoleli mwana Yezu omboka bato banso babeki bakadjili Masiya aya lokabikia bato ba Yelusaleme. 39Yozefu na Maliya basidjei milulu minso lokokana na mibeko mia Moze mibapeiki ndingisa, baongoiki omboka ya bango Nazaleta o etuka ya Galileya. 40Mwana Yezu akomiki mokolu mpe akomiki nabokali onzoto. Akomiki na mayele maike mpe Libanza amopamboliki.
Yezu ondako ya Libanza
41Mbula na mbula baboti ba Yezu babeki bakakei, lokasepela nteke ya Pasika o engumba Yelusaleme. 42Nabona tango Yezu akomiki na mbula djomi na ibale, yo na baboti bande bakei nteke mei o engumba Yelusaleme bo mumesano. 43Mikolo mia nteke misili baboti bande babeki bakaongoi ondako. Bakoebaka bito 'te Yezu alemi o engumba ena. 44Baboti bande bamanyi 'te abeki elongo nabebi ontei ya bato bansu babeki bakakeli mobembo. Kasi ntango aimoneke bito mokolo muna na mpokwa, bamasi nalomwasa ontei ya bebi nabango. 45Ntango baimweneke bito, baongoi o engumba Yelusaleme loka mwasa omoi. 46Omokia mwa mikolo miato bamotani o Tempelo, adjaliki wana ontei ya balaki basu ba mibeko mia Moize. Abeki akaoki makambo mabeki bango bakateyi mpe abeki akabatuni mituna. 47Bato banso baokiki Yezu bakamoiki be na mayele mande mpe na biyano biande na mituna mia bango. 48Ntango emweni baboti bande bakamoiki. Nyango wande akoliki: «mwana wanga oiyengelaka lolokela bona bito! Nga naongo wau to mitungeiki be, mpe to bwasiki!» 49Bona Yezu ayanoliki: «mpo yandei bino babale bobeki bokanzasi nzasi? Boiyeba bito 'te naengeli naba wa ondako ya Ango wanga?» 50Kasi baboti bande baitenaka ntina ya maloba mana bito. 51Omokia mwa yango, Yezu aongoiki nzela yawi na baboti bande o engumba Nazaleta, mpe abeki lokabatosi be. Nyango wande Maliya abombiki mpoina inso omakanisi mpe mbala djike abeki akamanyi nantina ya ekei enso ye ekelamiki. 52Boekoliki Yezu akomiki na mayele. Libanza mpe bato basepeliki nande. Mpe asepelisiki Libanza.
ప్రస్తుతం ఎంపిక చేయబడింది:
LUKA 2: NDW
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Ndobo Bible by Beyond Translation is licensed under Creative Commons Attribution-ShareAlike 4.0 License.