Live Without FearHalimbawa

Celebrate the Small Wins

Madalas yung mga bagay na kinatatakutan natin ay ang mga inaakala natin masyado malaki para pagtagumpayan natin. Tulad nalang sa pag-bahagi ng salita ng Diyos at pag lapit ng tao kay Hesus, parang ang hirap gawin, no? Siguro nag-aalala ka sa sasabihin ng tao kapag sinimulan mo silang kausapin tungkol sa Diyos. O siguro nakapag-share ka pero duda ka kung makakahanap ba sila ng komunidad na tutulong magpalago ng naitanim mong salita ng Diyos.

Alam ng bawat manlalakbay na upang makarating ka sa paroroonan ay kinakailangan mong hakbangin ang bawat daraanan. Gaano man kaliit ‘yan, gaano man kabagal ang progreso ay umuusad parin—sa ganoong paraan mo naman din kasi mapagtatagumpayan ang bawat laban sa buhay.

Paisa-isang hakbang lang ang kailangan mo para unti unting makausad at maipakilala sa isang kaibigan si Hesus. Isa-isang hakbang pasulong upang maitulak palayo at mapagtagumpayan ang takot na nararamdaman mo. Sa pagtagal tagal, habang mas nalalapit at nabubuo ang relasyon mo sa Panginoon, namumulat ang mata mo sa pagkilos Niya sa iyong buhay, at ang alingawngaw ng takot ay nagmimistulang bulong na lamang sa hangin.

Ano pang hinihintay mo? Ipag-bunyi mo na ang mga munting pagkakataong may napag-tatagumpayan ka!