Популярні біблійні вірші з Metiu 5

Поділитись

Taine sauge hotiya bobode si edeton lampwa ge si edeho pwahem donge he huye. Agegene si hotei he tebol pwatane, iloke wayae i giyau guwole yake hana tomiye bwabwaligadiye heidiye. Humiu hedi lemi wayae gen i tale bobode heidiye sohode ti yo, iloke si paidi lemi ginawi dodohobine ge Tamamiu he bulubulu hidane si tobalan.

Humiu sohode wayae he panayawi. Hebe hiyebe hotiya si ginawi he bobokun pwatane, bwele bobode hohoyowate si paidi.

Hebwaden hatiyediye i wayae Helak i muloluyanid, kaiwane bwele si paidi Helak.

Hebwaden si buwota ge si mwaiwom page sapusapuine kaiwane, Helak i muloluyanid, kaiwane yayaluwadiye bwele i pasusuwokuid.

Agegene nau a liwo heimiu, hami siviye gen hu nunuwane-yanid, ge hebwaden si patilaomiu gen hu hawanun kaiwadiye

Hebwaden si lapu si gulegule-yan yayaluwo, Helak i muloluyanid, kaiwane Helak wana bagalogugui hobak i miye heidiye.

Hebwaden si kaiwoyan mimalum Helak i muloluyanid, kaiwane bwele i liwo i nga, “Sidiye he-nanatu.”

Hebwaden si tantan Helak i muloluyanid, kaiwane bwele i payariyaeid.

Hebwaden si patilaoid kaiwane Helak hawane si hab, Helak i muloluyanid, kaiwane Helak wana bagalogugui hobak i miye heidiye.

Hebwaden si hatatilao-yanid hene-bwaidiye Helak i muloluyanid, kaiwane bwele i hatatilao-yanid.

Hebe bobode si hawa ngakngak-anmiu, si patilaomiu ge wasamiu si wase panpangek-an kaiwane hu dumuyau heyau, Helak i muloluyanmiu. Hu yariyae suwok, kaiwane maisamiu lahine mwage he bulubulu. Profet hebwaden veto si patilaoid sohode hedi ti yo.

Hebwaden si hodonge totodiye Helak i muloluyanid, kaiwane wana liwo tuwoi hiyebeine bwele si paidi.

Humiu lemi kaiwo he panayawi sohode soge wana kaiwo. Agegene hebe soge wana gaisi ge hamnane i mwao, taine bosowaine ta depasogesoge hedi. Hobak taine wana kaiwo i degan hedi, bwen ta bili yok iloke bobode si pedongedonge.

Iyete humiu lemi page bwabwaligane gen i dohob, sohode Tamamiu he bulubulu wana page bwabwaligane i dohob.

Iyege te u nga, “Bam” o hebe “Taine.” Sahe hedi u hune i luwom Seitan heine.

Hobak hu longe Moses wana logugui sohode ti ya, “Hebe tolomo hotiya i bagapangek bwaine matane hotiya, lasene iye hedi matane hotiya gen si bagapangek. Hebe i tagabebe bwaine ngingine hotiya, lasene iye hedi ngingine hotiya gen si tagabebe.” Agegene nau a liwo heimiu, hebe tolomo hotiya i ginawi ngak heim, tab u epelase. Hebe tolomo hotiya i tagalepe gegelam he lam hinone, u galahaik u giyau gegelam gegebeine heine gen i tagalepe hedi.

Hebe matam gane he lam hinone i ho pagegiwo, gen u pak yok. I dohob te hebe taine tuwam giniteine hotiya i degan, agegene tab tuwam bwabwaligane si ebigi yok he hel. Sohode hedi, hebe nimam gane he lam hinone i ho pagegiwo, gen u gotem yok. I dohob te hebe taine tuwam giniteine hotiya i degan, agegene tab tuwam bwabwaligane si ebigi yok he hel.