Популярні біблійні вірші з Gɔ̃mèjèje be Xoma 17

Поділитись

E xɔ̀ èpè èkà èvè ci woeàsiɖèkɛ wàlɛbɛ kè Tɔhonɔ̀ ɖè yeɖokoe fiɔ Abràm, gblɔ̃ na ɛ̀ be: “Ènyè ye nyi Mawu-ŋusɛ̃kpatatɔa. Zɔ̃ lè àpe nɔ̀nɔmè mè eye nɔ̀ jɔ̀jɔɛ.

Wo mu gbà la yɔ wò be Abràm ke ò, vɔ̀a àpo nyikɔ la nyi Abràham, ɖo mù la na wò la nyi ètɔ na dùkɔ̃ sùgbɔ fuu

Ma ɖo zòɖùɖu nyèa, ànyi lè ènyè ku wò gbàkudo jìjimèviwo dòmè. Zòɖùɖu mà-vɔ kèa la ɖèfiɔ be mù nyi àpo Mawu gbà nyi àpo jɔ̀jɔmèvi kèwo la jè yo wò mèa be Mawu.

“Na ènyèa, kpɔɖa àpe zòɖùɖu ku wòa yekè: Wò la nyi ètɔ na dùkɔ̃ sùgbɔ fuu.

Mawu gblɔ̃ be: “Ào ɖe! Èsrɔ̃ wò Sarà la jì ŋusùvi na wò eye wò la ɖo nyikɔ na ɛ̀ be Izàk. Mù la ɖùzò nyèa ku è eye zòɖùɖu kèa la nɔ̀ ànyi tɛ̀gbɛ̀ na yebe jìjimèviwo.

Ma sɔ Kanàn nyigbã bliboa kpata, kè ji wò nyi àmèjro lèa na wò ne bèa nyi èwò ku jìjimèvi wòwo tɔ̀ tɛ̀gbɛ̀. Ma nyi woabe Mawu.”

Abràham jèklò sɔ ŋùkumè cɔ̃ ànyi eye e kònu; e gblɔ̃ lè ye ɖokoe mè be: “Èvi ɖe la teŋu to so àmè kè ɖo èpè èkà èvè takpoa mèa? Àlo Sarà kè ɖo èpè èkà èvè ci èwoa la teŋu jì èvia?”

Mawu gblɔ̃ na Abràham be: “Wò mu gbà la yɔ èsrɔ̃ wò Saraì be nyikɔ be Saraì ke ò, ɖo yebe nyikɔ la nyi Sarà.

Wò la ɖè àyu kè lè mìabe èvo be ènugbɔa jo, ekèa ye la nyi zòɖùɖu kè lè ènyè gbàkudo mìa dòmèa be jèsìdo.

Vɔ̀a, mù la ɖùzò nyèa ku Izàk, kè Sarà la jì na wò lè àzã kèa ji lè èpè kè gbãnàa mè.”

Nène a ye èvi ŋusù ɖekpekpe kè xɔ̀ ŋùkèkè ènyi lè àpo jɔ̀jɔmèa la sò èvo. Nène ke la nyi na kluvi kè wo jì lè àpo àxomèa, àlo kè wo plè ku èci ye e nyi àmèjrovi so àfi ɖekpekpe cã yeŋu, ekèwo mu lè jɔ̀jɔ wòa mè òa. Wò ɖo la sò èvo na kluvi kè wo jì lè àxomè àlo wò plèa cã. Zòɖùɖu nyèa la trɔ zòɖùɖu kè lè tɛ̀gbɛ̀ lè mìabe ŋutilã mè