Популярні біблійні вірші з GÉNESIS 17

Поділитись

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Sutiykipis manaña Abramchu kanqa, kunanmantaqa Abraham kanki; imaraykuchus churasqayki ashkha runaspa tatan kanaykipaj.

Kay tratota qanwan ruwasqayqa mirayniykej mirayninman ima chayanqa; noqa qampa Diosniykipuni kasaj, jinallataj paykunajtapis.

Tratoyqa qanwan kanqa kay jina: Qan kanki ashkha runaspa tatan.

Diostaj kuticherqa: Chay tukuywampis warmiyki Sara wawayoj kapusonqa, chay wawaykitataj sutichanki Isaacta. Paywan tratoyta wiñaypaj sayachisaj, jinallataj mirayninmampis.

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Abrahamtaj qonqoriykukorqa umanta pampaman chayachinankama, asirikorqataj, sonqompi kay jinata yuyaspa: Pachaj watasniyoj runaqa atinmanrajchu wawasniyoj kayta? Saraqa isq'on chunka watasniyojña, wawayojrajchu chanta kanman?, nispa.

Dios nillarqataj Abrahamman: Warmiyki Saraiqa manaña ajina sutiyojchu kanqa, kunanmanta ñaupajmanqa Sara sutin kanqa.

Circuncidayqa niyta munan, phichilitumpa qaritampa puntitanta khuchurinkichej. Chay kanqa noqa qankunawan uj tratota ruwasqaymanta.

Tratoytaqa Isaacwan ruwasajpuni, warmiyki Saraqa wawata onqopusonqa uj watamantawan, chaywan.

Kunanmanta qhepaman tukuy qharis nacesqanmanta pusaj p'unchayninman phichilitumpa qaritampa puntitan khuchurisqa kanqa, jinallataj qankunajpa nacekoj wawaspis, chanta waj llajtayoj kamachisniykichejpa wawasninkupis, rantisqasniykichejpa wawasninku ima. Ajinata circuncidasqas kachunku wasiykichejpi nacekojkuna, rantisqasniykichejpa wawasninkupis. Ajinata aychaykichejpi yachakonqa, tukuy kausayniykichejpi chay señalnejta noqa qankunawan wiñaypaj sumaj tratota ruwasqay