Популярні біблійні вірші з GENESIS 17

Поділитись

Tin, Abrama chu kum sawmkua leh kum kaw mi a nihin, LALPA chu Abrama hnênah chuan a rawn inlâr a, a hnênah, “Kei, Pathian Engkimtitheia ka ni; ka hmaah awm la, ṭha famkimin awm rawh.

I hming pawh Abrama a ni tawh lo vang a, i hming hi Abrahama a ni tawh zâwk ang; chi hrang hrang tam tak thlahtu tûra ka siam tâk che hi.

Tin, kei leh nang leh i hnua i thlahte, an thlah chhâwng zêlte thleng pawhin ka thuthlung hi, i tân leh i hnua i thlahte tâna an Pathian ni tûrin, kumkhaw thuthlung atân ka tinghet ang.

“Ngai teh, kei zawngin ka thuthlung chu i hnênah a ni ka thlun ni; tichuan, chi hrang hrang tam tak thlahtu i ni tawh ang.

Tin, Pathianin, “Ni lo ve, i nupui Sarin fapa a hrinsak zâwk ang che, a hmingah chuan Isaaka i sa tûr a ni; tin, ka thuthlung chu ama hnua a thlahte tân, kumkhaw thuthlung atân a hnênah chuan ka tinghet ang.

Tin, i hnênah leh i hnua i thlahte hnênah chuan i mikhualna ram, Kanaan ram zawng zawng hi kumkhaw ro atân ka pe dâwn che u a ni; tin, kei hi an Pathian ka ni ang,” a ti a.

Chutichuan, Abrahama chu a bawkkhup a, a nui a, a rilruin, “Kum za mi hian fa a nei dâwn em ni ang? Sari, kum sawmkaw mi chuan fa a hring dâwn em ni ang?” a ti a.

Tin, Pathian vêkin Abrahama hnênah, “I nupui Saraii pawh, a hmingah Saraii i ti tawh lo vang a, a hming chu Sari a ni tawh zâwk ang.

Tichuan, in serh vun tisaah chuan serhtanin in awm tûr a ni; chu chu nangmah nêna kan inkâra thuthlung chhinchhiahna a ni ang.

Ka thuthlung erawh chu Isaaka, Sarin nakkum hetih hun taka a hrinsak tûr che hnênah chuan a ni ka tihngheh zâwk dâwn ni,” a ti a.

Tichuan, in zînga ni riat mi chu, in thlah chhâwng zêlte thleng pawhin, i thlah ni kher lo pawh, i ina piang emaw, mikhual tu laka mi pawh tangka suma i lei emaw pawh ni sela, mipa tawh phawt chu serhtan tûr a ni. I ina piang leh i tangka suma i lei pawh serhtan ngei tûr a ni; tichuan, ka thuthlung chu kumkhaw thuthlung atân in tisaah a awm tawh ang.