Популярні біблійні вірші з Chukusakị 17

Поділитись

Ebram ḅe ngei fa kụra sọnọasi nwọ lasịkị, Nyanaḅọ Ḅe ọ̀ ḅụ se ò ḍiese nwọḅẹmẹ, “Ị̀rị̀ anị Kụrọmamgba Nyana Tamụnọ Ḅe-ẹ. Ị̀ ḅịpị poki se pịkịna sịkịmamgba karakaraye mị nwọ mịẹ.

Ebram ḅarị ị́ya ẹrẹ sọ ẹkẹ, ọkụma Ebraham, anịatịḅị àrị ị́ mịẹḅịa ị́ opuḍaḅọ sọ ḅaka sẹ pịrịḅịa.

“À ḅereni ị́ pịrịye àrị anị mịẹ ḅeinma ḅịa, anị pịkị ọkịmun ị́ furo ḅie pakaḅoḅịa awọma ḅụ ḅụọḅụọ laḅịa, kuluma nyanaka ọḅọkụ-ẹ. Àrị ị́ Tamụnọ sọḅịa, pịkị ị́ furo ḅie pakaḅoḅịa awọma Tamụnọ sọḅịa.

“À mị ọḅọkụ se ị́rị́ na fịḅịa; à ḅereni ị́ pịrịmẹ na ị́ tọn tọn à sẹ ḅe opuḍaḅọ sọḅịa.

Ọkụma Tamụnọ Ḅe nwọḅẹmẹ, “Ẹn-ẹn. Ị́ ta Sera ma gbọrị owutọkụ á nwọ yi ị́ pịrịḅịa, se Aịzịk ị́ nwọse ọ̀ chịnḅịa. Àrị ori na ị̀ya ọḅọkụ mị koko gbasoḅịa pịkị ò furo ḅie pakaḅoḅịa awọma na. Kuluma nyanaka ọḅọkụ-ẹ.

Mịọkụ ị́ nwọ anga àrị igoni ama mị, à seni ị́rị́ na ị́ furo ḅie awọma na pịrịḅịa. Bebe Kenan ama mị mgba sime ị́ furo ḅie awọma pịrị gbasoḅịa, se à pịkịna inia Tamụnọ sọḅịa.”

Ebraham ḅe ọ̀ tọrụtu se ọ̀ tọrụ se kiri lamamẹ, ọkụma ọ̀ ḍẹrịse ò ḅieḅụ nwọ gbelamẹ, “Owuḅọ ineda tọkụ yiḅe nụḅọ ḅo kụra sọnọasi lasịkị? Sera ma sọnị kụra iniasi oyi fịnjị ḅụ á pa ineda tọkụ yiḅịa nọ?”

Tamụnọ Ḅe nwọse Ebraham ḅe ḅẹmẹ, “Ị́ ḅarị Seraị seni ị́ tama chịn ẹkẹ; mịọkụ ọkịmun árịa ẹrẹ anị Sera.

Mịọkụ ọkị tọrọkọmun ó yi seni nine-a ḍin lasa owutọkụ goyegoye ḅụ ọ́ pẹlẹḅịa, ọ́mịna omoni yi owuapụ awọ sọnị pịkị jịn a sẹ ḅie ọ́ fẹḅo omoni owuapụ awọ sọnị. Mịn mị ḍiepakụmaḅịa na ị́rị́ na ị̀rị̀ na ogboku ọḅọkụ omi-ẹ.

Ọkụma ị̀ya ọḅọkụ mị à se ị́ya owutọkụ Aịzịk ḅe na fịḅịa, Sera ma jịn kụra ḅụ nwọ pembe sịkị ḅụ yiḅịa tọkụ ḅe.”

Mịọkụ ọkị tọrọkọmun ó yi seni nine-a ḍin lasa owutọkụ goyegoye ḅụ ọ́ pẹlẹḅịa, ọ́mịna omoni yi owuapụ awọ sọnị pịkị jịn a sẹ ḅie ọ́ fẹḅo omoni owuapụ awọ sọnị. Mịn mị ḍiepakụmaḅịa na ị́rị́ na ị̀rị̀ na ogboku ọḅọkụ omi-ẹ. Owutọkụ goyegoye ḅụ ọ́ pẹlẹḅịa, mịn mị ọ́mịna ojuḅụ ḍiepakụmaḅịa na à seni ị́rị́ na fị ọḅọkụ mị kuluma nyanakẹ.