Популярні біблійні вірші з YOHANE 14

Поділитись

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

Asema a̱ de kera te ne kwe ga; na nen Aôndo jighjigh, Mo kpaa nam nen jighjigh.

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

Or u nan lu a atindi Am, man nan we a iko kpaa yô, ka nan je, M doo nan ishima ye. Or u M doo nan ishima kpaa, nana doo Terem ishima; Mo kpaa nana doom ishima, man Me pase iyol Yam her a nan kpaa.

Me sôn Ter, man Una na ne Orsurunshima ugen u Una lu a ven gbem yô, ka Jijingi u mimi u tar u fetyô u ngohol Un ga yô, gadia ngu nengen a Na ga, mfe kpaa u fa Un ga; ne yô, ne fa Un, gadia ngu a ven, shi Una lu ken a ven kpaa.

Man nyityô kwagh i ne sôn ken iti Yam yô, Me er i, sha er Ter A̱ zua a icivir ken Wan yô. Aluer ne sôn nyityô kwagh ken iti Yam yô, Me er i.

Aluer Mea doo ne ishima yô, né kuran atindi Am.

Ken ya u Terem ayou nga kpishi; a lu nahan ga yô, ma M kaa ne; gadia Me yem sha u Me za sôr ne ijiir.

Me yem Me za sôr ne ijiir yô, Me shi Me hide, Me va kua a ven sha er ne kpaa né lu hen ape M lu yô.

Toma kaa a Na er: Tere, se fa hen ape U lu zan ga, nahan sé er nan man sé fa gbenda?