Популярні біблійні вірші з Luuka 6

Поділитись

Mwiwenkhe azeenu na Nluku ontta owinkhani: na mphimo khwaamili, wookhitteleliwa na wawiitaala mpakha wiittikha. Maana mphimo otthuupo mwimphimanaaye mwinteela ophimelaniwa otthuupo.”

Ntthu wookemaani, nroho mwawe onsarulamo vitthu zooshapweya, na ntthu wootakhala rooho, nroho mwawe onsarulamo vitthu zootakhala, maana milomo zawe zinttakhula etthiipile ziitaliyeeyo nroho mwawe.

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

Mwiiye a huruma nkhama etthiipi Papeenu wa pinkuuni naye eeyiye wa huruma.

“Mwihimphuke nzeenu yoori mwihiphukiwe; mwihinhukhumu nzeenu yoori mwihihukhumwiwe; mwinswaamihi nzeenu yoori mwiswaamihiwe.

“Nakataalikha mweeyo mwinikisiilaaye, kiniwuuzani yoori mwiwaaphete maatuwi enu, mwiwaarettele saana apale aniiphiiriwaaye ti mweeyo. Mwiwaaparikhiye apale anuulaanaanini na mwiwaalompele apale anuurettelaanini zootakhala.

Epile mweeyo zinuutuvelaanini oretteliwa pi azeenu, na mweeyo mwiwaarettele azeenu etthiipo.

Nkhama ntthu oopwakula nlaku limote, na ntthi likina ontheteezele. Nkhama ntthu oovula ajapi yawo, ohinkhattaze othuula hempe yawo. Omwinkhe wakhula otule anuuvekelaaye, nkhama ntthu athuula etile yiiyiye yawo, ohinkhanyarele wuurutisela.

“Khawiivo muutthi wooshapweya oniimaaye mishumo zootakhala, wala muutthi wootakhala oniimaaye mishumo zooshapweya.

Maana wakhula muutthi onjuweya mwaasa wa mishumo zaya. Mmiiwa khinshumiwamo mishumo za muuyu, mmutthalala khanshumiwamo wuuva.