Популярні біблійні вірші з Marko 9

Поділитись

Aliyo Yesu ungʼwila giki, Ulu wadula kuzunya, yose yadulika kuli uyo alizunya.

Haho na haho ise wa ngʼwana ulila na ilaka, na shisoji, uhaya giki, Nazunya, Seba; unigune mu butuzunya wane.

Aho wali wingila mu numba, bahemba bakwe bumuja mu kwigeniha giki, Ni buli a biswe twali tutudula kugupeja? Nanghwe ubawila giki, Mbika iyi itudula kwinga kulwa mhayo gose ulu iti kulwa kulomba na kudila nzala.

Munu guli gwa wiza, aliyo ulu munu gusuka mukugunonya na ki? Bizagi na munu mugati yingʼwe ngʼwikale mu mhola benekele na benekele.

Uyo ose ungʼwanukula umo wa bana banigini giti uyu mu lina lyane, wananukula Nene, na uyo ose wananukula Nene, atunanukula Nene, aliyo ungʼwanukula Uyo waanituma.

Iki munhu ose uyo akungʼwinha mungʼwe kikombe cha minzi mu lina lyane, iki muli ba ngʼwa Kristo, nghana namuwila giki, uyo atalagayiwa mhela yakwe.

Na uyo ose ungʼwipamya umo wa bado aba abanizunya Nene, ngʼwenuyo ili hambuhambu kuli wei ulu utungwa iwe itale lya kushela mu nhingo yakwe, na kuponyiwa mu nyanza.

Na liso lyako ulu lyukwipamya ulikobole; ili ya wiza kuli bebe kwingila mu butemi wa Mulungu uli na liso limo duhu, kutinda kwikala uli na miso abili na kuponyiwa mu Gehena ya moto