বংশর্ পর্ বংশ ধুরিনে তমার্ পত্তি মরদ্ পুয়োগুনোর্ জর্ম অনার্ আস্টো দিনোত্ এ চুনুগুলোবোর্ মাদাগান্ কাবানা অনুষ্ঠানান্ গরা পড়িবো। তর্ বংশর্ কনজনে ন-ওইনে তমা ঘরর্ চাগর্ অলেয়ো তারারে বেক্কুনোরে এ চুনুগুলোবোর্ মাদাগান কাবি দে পড়িবো, তারা তমা ঘরত্ জর্মেয়োন এবাবোত্যে কনঅ চাগরর্ পুয়ো ওক্ বা টেঙালোই বিদেশীগুনোত্তুন্ কিনে চাগর্ ওক্। মুই আরঅ কঙর্, যে চাগর্বো তমা ঘরত্ জোর্মেয়্যে বা যিবেরে টেঙালোই কিনে ওইয়্যে, তারার পত্তি জনরে চুনুগুলোবোর্ মাদাগান কাবিদে পড়িবো। ইয়েনই অবঅ তমা কিয়েত্ মর্ উমরর্ সুদোমর্ চিহ্নো ।