Популярні біблійні вірші з मत्‍तयाल 8

Поділитись

अस्‍के, “अरे विस्वासम तक्‍को लोकुरिटा, बारि वेरियंतिर?” इंचि येसु ओर्कुन इत्‍तोर. पजा तेदसि आ वळि-दुमारमतुन आनि समुद्रमतुन गदरिचतोर अय्ते अव सांत आतां.

गानि आ दरोगल, “सामि, निमे नावा लोन वायानच्‍चो पेद्‍दातनम नहगा हिल्‍ले. ननागुडा वरोर अदिकारिना कय्‍दा हिळु कबळ कींतन; नावा कय्‍दा हिळुगुडा सिपाइल्क मंतुर. नना अव्टेटाल वरोन ‘होन’ इत्‍ते ओर दांतोर, इंकावरोन ‘वा’ इत्‍ते ओर वांतोर. अचोने आय्‍का नावा दासुन, ‘इद कीम’ इत्‍ते ओर कींतोर. अदुनहाटीं निमे सिराप उंदि पोल्‍ले इन, नावा जीतागाड बेस आंतोर.” इंचि येसुन इत्‍तोर.

इद केंजसि येसुंक वेल्‍ले इचंत्रम आता. अस्‍के ओना पज्जो ताकसेक मत्‍तोर्कुन इल्‍हा इत्‍तोर, “नना मीकु निजम वेहांतन, इस्राएल लोकुल्‍कुन लोप्‍पोगुडा इच्‍चोन विस्वासम मत्‍ता मनकल नाकु बग्‍गेन दोर्का हिल्‍लोर.

पजा येसु आ दरोगन, “निमे होन, नीवा विस्वासम बल्हा मंतनो अल्हेन नीकु जर्गंता” इंचि इत्‍ता इनमडे ओना जीतागाड बेस आतोर.

अद हूळसि सिस्युल्कुंक पेद्‍दा इचंत्रम आता. अस्‍के ओर, “अरे ईर बसोंटा मनकल रो, वळि, समुद्रमगुडा ईना पोल्‍ले केंजंता!” इंचि इत्‍तुर.