Популярні біблійні вірші з لُوقا 6

Поділитись

ڈیؤ تاں تُہاکُوں وی ڈِتا ویسی۔ ناپنڑ آلا تھاں چنگی طرحاں دبا تے، ہِلا ہِلا تے، تے مُنہ تئیں بھر تے تُہاڈے برتن ءچ سَٹ ڈِتا ویسی۔ کیوں جو جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی۔“

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے، تے بُرا بندہ بُرے خزانے ءچوں بُریاں چیزاں کڈھیندے، کیوں جو جیہڑا دل ءچ بھریا ہوندے اُوہو اُوندے مُنہ اُتے آندے۔

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

جِینویں تُہاڈا باپ رحیم ہے، تُساں وی رحم دل ہووو۔

عیب جوئی نہ کرو، تُہاڈی وی عیب جوئی نہ کیتی ویسی۔ مُجرم نہ بنڑاؤ، تُساں وی مُجرم نہ بنڑائے ویسو۔ معاف کرو، تُہاکُوں وی معاف کیتا ویسی۔

پر مَیں تُساں سُنڑݨ آلیاں کُوں آدھا ہاں جو آپنڑے دُشمنڑاں نال محبت رکھو، تے جیہڑے تُہاڈے نال نفرت کریندے ہِن، اُنہاں نال بھلائی کرو۔ جیہڑے تُہاڈے اُتے لعنت کرݨ اُنہاں کیتے برکت منگو۔ جیہڑے تُہاڈی بے عزتی کرݨ اُنہاں کُوں دُعا ڈیؤ۔

تے جِینویں تُساں چاہندے ہیوے جو لوک تُہاڈے نال کرݨ، تُساں وی اُنہاں نال اُونویں ای کرو۔

جے کوئی تیڈی ہِک گَلھ اُتے چاٹ مارے تاں ڈُوجھی وی اُوندے پاسُوں پھیر ڈے۔ تے جیہڑا تیڈا چولا گِھننڑ چاہوے، اُونکُوں جُبّہ گِھننڑ کنُوں وی نہ روک۔ جیہڑا کوئی تَیں تُوں منگے اُونکُوں ڈے تے جے کوئی تیڈا مال گِھن گِھنے تاں اُوں کنُوں ولا نہ منگ۔

جیہڑا درخت چنگا ہوندے او بُرا پھل نئیں ڈیندا، تے نہ ای بُرا درخت چنگا پھل ڈیندے۔

ہر درخت آپنڑے پھل کنُوں سُنجانڑیا ویندے۔ کنڈے آلیاں جھاڑیاں کنُوں لوک ہنجیر نئیں توڑیندے تے نہ جَھڑ بیری کنُوں انگُور۔