Популярні біблійні вірші з لُوقَا 11

Поділитись

و إذا إنتو البَطّالين تَعرِفو تَدّو أولادكُم هَدايا سَمحَه، كَم بِالأكتَر الأبو السَّمَاوي يَدّي الرّوح القُدُس لِليَسألوهو؟“

و أنا أقول ليكُم، أسألو بِدّيكُم، أطلُبو بِتَلقو، دُقّو هو بِفتَح ليكُم.

عَشان كُل البِسأل بياخُد، و البِطلُب بِلقى، و البِدُق بِفتَح ليهو.

و قال ليهُم: ”لَمّا تَصَلّو قولو، يا أبونا [الفي السَّما،] خَلّي إسمَك يِتقَدَّس. خَلّي مَلَكوتَك يَجي. [تَكون إرادَتَك زي ما في السَّما، كِدا كَمان عَلى الأرض.]

و أغفِر لينا خَطايانا، عَشان نِحنا كَمان نَغفِر لِكُل اليَخطو لينا. و ما تَدَخِّلنا في تَجرِبَه. [لَكِن نَجّينا مِن الشَّرّير.“]

أدّينا أكِلنا يوم بِيوم.

عينَك هي لَمبَت الجِّسم. و لَمّا عينَك تَكون كوَيسَه، جِسمَك كُلّو يَكون مَنَوَّر. و لَمّا هي بَطّالَه، جِسمَك كَمان يَكون في ضُلُمَّه.

ما في زول، وَكِت ما يَوَلِّع فانوس، يَخُتّو في مَخزَن ولّا تِحِت القُفَّه، لَكِن يَخُتّو فوق طَرَبيزَه، عَشان الدّاخِلين يَشوفو النّور.