Популярні біблійні вірші з Matayo 7

Поділитись

“Musukaje, na henye mukupelwa. Musakaje, na henye mukupata. Muhodetsaje na henye mukudindulilwa.

Kwasawuli chila yo nsuka akupelwa, na yo ansaka akupata, na yo akuhodetsa akudindulilwa.

Ihyo munu yoyuve yo anhulika na kudita ndongwa tsangu, anakota munu munya nyala yo atsentsile nyumba yake mwilanga mwa litalawe.

Ho hihyo chila chinu cho mun'gana muditilwe na vanu, na henye nanye mun'ganika muvaditile hihyo. Kwasawuli igo go malajitso ga Musa na valoli va Mulungu.”

Lechelelo lwitsi lo lunyehe na ng'asi nyehe fim'bitila kono ko kuna wumi, nawo wo vanguyitsela ng'asi ya wumi uwo wo vanu vadodo hela.”

“Mwinjilaje kwa kukolela mulwitsi lunyehe, kwasawuli ng'asi ngatsi na lwitsi lugatsi fim'bitila ku wananjifu, wo vankwinjila mu lwitsi ulo na ng'asi iyo vakuva wolofu.

Henye vanu vanya ndongwa ntsibi mun'daha kuvapela vana venyu finu finofu, mbe ndawuli kwa Dada venyu va Kilanga akuleka kuvapela finu finofu vala wo vangumusuka?

“Mulekaje kuvahiga vanu vanji, ili na henye muleche kuhigwa na Mulungu. Kwasawuli manyi uvahije vanu vanji na heve ukuhigwa hihila. Kota hila fyo uvaditye vanu vanji na Mulungu akukuditila hihyo.

“Lechelelo munu yoyuve yo anhulika madahitso gangu na kuleka kugadita, anakota munu mupuva yo atsentsile nyumba yake mu luganga.

Kwasawuli yachi unlola kabadu ka lubawo kokali muliho lya mung'olotso, na heve sinambe wilole libadu lya muliho lyako? Unvetsa chinya ndawuli kumulonjela mung'olotso kuta mung'olotsangu, hondi nguhetse kabadu kokali mugati mu liho lyako, na kuno heve una libadu muliho lyako?

“Mwiyangalilaje na valoli va wudesi, vanu wo vanguvatsila kuno vafwite myenda kota ng'olo, lechelelo kwa mugati vana kota ngwami ng'ali. Mukuvatsela kwa ndongwa tsawo tso van'dita. Mbe, vanu vabavaga mibawo ja mitsabibu mu mibichi jinya mifwa, awu vabavaga matongatonga mu mibichi jojinchemwa michongoma?

Ho hihyo mubichi munofu gulelaga mibawo minofu, na kaha mubichi mubi gulelaga mibawo mibi.

Mubichi munofu sigufuluche gulele mibawo mibi, na kaha mubichi mubi sigulelaga mibawo minofu ndaya.

Lechelelo chila mubichi go sinambe gulele mibawo minofu gukutemwa na kudibulwa mumoto.