Популярні біблійні вірші з João 11

Поділитись

Igwete Jesus'ga ei hẽa pe: —Jihi ko g̃a mbogweraharamo ako g̃a mongovo, ei ga. Kiroki g̃a ojiko ji rehe – omanorame vehevi po ti g̃a ndekoi avuirama Tupana'ga pyri nehẽ, ei ga hẽa pe. Kiroki g̃a heaporog̃ita pyahu ojikoga ji rehe – g̃ahã po ti ndohoi tuhẽ hahyva'ea ruvihava pype nehẽ. Oko hete po ti g̃a Tupana'ga pyri avuirama okovo nehẽ, ei ga. Ererovia nde a'ea? ei Jesus'ga hẽa pe.

Igwete Jesus'ga ei hẽa pe a'ero: —A'e ko ji nde ve ko: “Po ti nde jikogi ji rehe, a'ero po ti nde hepiagi Tupana'ga ruvihavuhuhetea nehẽ,” ei ga hẽa pe.

Igwete Jesus'ga jehe'oi.

Henduvame Jesus'ga ei: —Lázaro'ga tetirũa nomomanoukarag̃wami ga, ei ga. Gatetirũa ko Tupana'ga ruvihavuhuhetea repiukarag̃wama tokwaha ti g̃a jiruvihavuhuhetea no, ei ga. Gatetirũaro g̃waramo po ti g̃a ei ji ve nehẽ ipopoaka hete Tupana'ga ra'yra'ga javo ji ve nehẽ, ei Jesus'ga.

Onhi'ig̃irẽ Tupana'ga pe Jesus'ga eahyi: —Lázaro, ei ga. Here ehema! ei ga ga pe. A'ero Lázaro'ga vyri omanoa hugwi ohema ikwaruhua hugwi. Imamanipyra ga gweru opya opoa reheve. Ga'akag̃a na jitehe gwereko tapy'ynhapira ojihe no. A'ereki judeus'g̃a omamamama ahera'oa tapy'ynhapipukuhua pyvõ jipi ahe mondorame ahe nog̃a ita kwaruhua pype jipi. —Pemama'ndo ti ga hugwi tapy'ynhapira kwaharava ga hugwi toho ti ga, ei Jesus'ga g̃a pe.

Jesus'ga py'a omynhetea'ja. Igwete ga ruri garyvy pe ikwaruhu pe. Jurukwara pype u itauhua imohinipyra hovapytymbavamo.

Aerẽ Jesus'ga ei g̃a pe no: —Nhaneremiarõhara'ga kiro oki upa Lázaro'ga, ei ga. Taho ti ga moma'eamo a'ero, ei ga g̃a pe.