UJƆ́NI 6 سے مشہور بائبلی آیات

شئیر

Anɔ́ɔ Ujísɔ̄si da uwá kahíníī, “Ami wɛ igbō kú oyēeyī á. Ɔ̄cɛ nōo wā ɛgiyí um, ɛmiyɛ í gáā ŋmó ɔ̄ fúlufúlu ŋ́. Ɔ̄cɛ nōo kē lɔtūce um, ijēēnyi í kē gáā ŋmó ɔ̄ gbóógbóō gɛ ŋ́.

Alelékwū kú Ɔwɔicō gē je oyēeyī á, ɔfú kú ɔ̄cɛ í yá ɔdā dúúmā glá ŋ́. Ɛlā nɛ̄ N ka lɛ aá ā wɛ alelékwū mla oyēeyī.

Aá híī yúklɔ́ kú ɔdōlé nōo gē bīya ā ŋ́, amáŋ ohígbū ɔdōlé nōo gē je oyēeyī opiyóó, nɛ̄ Ɔyínɔ̄nyīlɔ kú Ɔ̄cɛ géē je lɛ aá ā. Ohígbū ɛnyā nɛ̄ Ɔwɔicō Ádā ā tū um ɛhɔ̄ wā ā.”

Ohígbū ka ɔdā nɛ̄ Ádā um tíne á wɛ ka odúúdú ācɛ nēe lɛ Ɔyínɔ̄nyīlɔ ā má, nēe kē cɛ̄ɛ̄lā nū, géē lɛ oyēeyī opiyóó. Anɔ́ɔ n géē kpó uwā héyī ɛ̄cī ámōōmɛ á.”

Ujísɔ̄si tóohi da uwá kahíníī, “Ɛ̄nyā wɛ úklɔ́ kú Ɔwɔicō á, aá lɔtūce ɔ̄cɛ nɛ̄ anú abɔ̄yī nū tɛ̄hɔ̄ ā.”

Ācɛ dóódu nɛ̄ Ádā ā je gā um ā géē wā ɛgiyí um. Ɔ̄cɛ dúúmā nōo wā ɛgiyí um, ń gáā nū ɔ̄ tɛ́ɛcɛ ŋ́.

Usáyímɔ̄ni tóohi kahíníī, “Óndú, egiyí ɔ̄nyɛ nɛ̄ alɔ géē nyɔ̄ gɛ? Awɔ lɛ ɛlā nōo gē je oyēeyī opiyóó á.

Ami wɛ igbō kú oyēeyī nōo ŋmá ɔkpáncō á. Ɔ́dāŋ́ ka ɔ̄cɛ dúúmā lɛ igbō nyā lé, ó géē yēeyī piyóó. Igbō nɛ̄ n géē je ohígbū oyēeyī kú ɛcɛ ā wɛ ɔkpíyē kú um ā.”

Ɔ̄cɛ dúúmā í wā ɛgiyí um glá ŋ́ ayíka Ádā nōo tū um ɛhɔ̄ ā lɛ ɔ́ pi wā nɛ, anɔ́ɔ n géē je ɔ́ héyī ɛ̄cī ámōōmɛ ā.

Ohígbū ka igbō kú Ɔwɔicō wɛ ɔ̄cɛ nōo ŋmá ɔkpáncō, nōo gē je oyēeyī lɛ ɛcɛ ā.”

Ami wɛ igbō kú oyēeyī á.

Anɔ́ɔ Ujísɔ̄si kwú igbō ā ú, lɛ ahínyá tá Ɔwɔicō. Anɔ́ɔ ó je ɔ́ lɛ ācɛ nēe bá ajɛ ā. Ó yá ɛ́gɔ́ɔmā mla ɛbéenyi ā dúú. Ó je ɔ́ lɛ uwá ɛ́gɛ́nɛ̄ é tíne lɛ ā. Eko nēé lɛ ipú nū ā, ó da ayíkpó kú nū kahíníī, “Aá lɛ iwili kú nū túbá ká ɔdā dúúmā kóō bónū ŋ́.”

Eko nēé lɛ ɔ́kɔ pɛ́ bɛ̄ɛka ukilómīta ɛhɔ̄ ámāŋ ka ahāapa ā, igbeékpónú é má Ujísɔ̄si yɔ̄ ī yāwu eyī ísu lɛyíkwu ɔ́kɔ ā. Anɔ́ɔ é gbɔɔ́ ō yúufi. Amáŋ Ujísɔ̄si da uwá kahíníī, “Ami nɛ. Aá yúufi ŋ́.”