Juan 19 سے مشہور بائبلی آیات

شئیر

Dai mos bixusukai Suxi go bino sai bhodïrï itïi, —Ka natorhixikami bii bïïxi aïkatai— itïi go Suxi. Dai koidamu kuiki modï dai muu.

Dai bhodïrï Suxi maatïkatadai sai kaxi bïïxi naatorhikatadai ix tumaxi biakatadai ïgai ix iduñagi. Dai kïïga iduña ïrhiditadai ix dukatai ojixi ïïki abhiadïrï Diuxi ñokidïrï daidi po tïi, —Tonomoka aanï— itïi ïgai. Podukai ojixikatadai ïïki abhiadïrï ix potïiya agai kaxkïdï potïi ïgai.

Dai Suxi dïïdï abhana kïakatadai go mamaatïrdamigadï ix makïdï kïïga oigïdaitadai Suxi ïpï. Dai tïïgakai Suxi ix ami miadïrï dïïdï kïakatadai ïgai, saidi itïtïdai ïgai dïïdï, —Gin daada, gobai gin mamaatïrdamiga ix makïdï gï abhana kïïka ïr gï maaraka agai xibi— itïtïdai. Daidi bhodïrï potïtïdai ïgai go mamaatïrdamigadï ix makïdï kïïga oigïdai ïgai, —Aapi kïïrhi, gobai gin daada ïr aapi gï daadaka agai xibi— itïtïdai. Dai kaxkïdï Suxi dïïdï mïï kiidïrï oidatu go mamaatïrdamigadï ix makïdï kïïga oigïdai Suxi.

Dai bhodïrï omixa agaitadai nonosakadï go Suxi ïpï dïï mos ka tïï ïgai ix ka mukiñi dai ka mai omixa ïgai bhaiyoma. Dïï gia bïïxkïrï ïmadutai go sandadaru ïmo lansakïdï onomadïrï sïi go Suxi tai busai ïradï ïmadï sudagi.

Buaboi aagai aanï sai tomarhi ïmo odï mai omi go Suxi. Podukai buaboi busai go ïïkidadï ojai xako ikaiti sai, Maiti gï omi tomarhi ïmo odï go OtosadïDiuxi, ikaiti go ojai ïïkidadï. Dai ikaiti ïpï sai, Odami nïijadamu go ix makïdï sïi ïgai, ikaiti go gobai.

Daidi bhodïrï go sandadaru bhïiyi go Suxi dai baidakai ïmo gidiïrï xako odami modïrï tïgidu. Dai ami Gólgota tïgidu Hebreokïdï ïpï. Daidi go Suxi ïïgi kusuba iimïi kuruxigadï.

Baidi ka gïikarsakai ïgai sai bui uxi maamaradï kïï óígakami dai idui ïmo korona dai modïrï kïïxi. Dai aadi yukuxi moraduakami ïpï sai ïpïamaaxkana ïgai ïmo rey.