Johaneb 19 سے مشہور بائبلی آیات

شئیر

Tsî Jesub ge ǀkhuru xûiba ātoa, ob ge ge mî: “Dītoahe go!” Tsî danasa ǃgam tsîb ge gagasa ge māǁnâ.

Jesub ge ge ǂan i hoan ge ǀnai dītoahe ǃkhaisa, tsîb ge Xoas nî dīǀoaǀoahese “ǁGâ ta hâ” ti ge mî.

Tsî Jesub ge ǁîb îs tsî ǁkhāǁkhāsabeb,* ǁîb ge ǀnam iba ǁîs tawa mâse a mû, ob ge ǁgûs ǃoa ge mî: “Nēb ge a sa ôa.” ǁNās khaoǃgâb ge ǁkhāǁkhāsabeb ǃoa ge mî: “Mû nēs ge sa îsa.” Tsîb ge ǁkhāǁkhāsabeba ǁnā ira xu ǁîsa oms âb tawa ge ū.

Xawe Jesub tawa gu ge sī, o gu ge ǀnaib ǁō hâ ǃkhaisa mû tsî ǀnūgu âba khôa tama ge i. Xawe ǀguib toroǃkhamaogu dib ge ǁhâigôab âb ǀkha ǁîb ǃnammi ǃnâ ge ǃkhā tsî i ge ǁnātimîsi ǀaob tsî ǁgammi tsîkha ge ǂoaxa.

Nēn ge Xoas nî dīǀoaǀoahese ī xui-ao. “ǂKhō-i âb tsîn ge khôahe tide.” Tsî ǁkhawas ge ǀnî Xoasa ra mî: “ǁÎn ge ǃkhān geba nî mû.”

Ob ge Jesuba ǃgâuhaib* âba aitsama tani tsî “Danaǂkhōs di ǃKhais,” (Hebregowab ǃnâ “Golgotas” ti ra ǂgaihes) ǃoa ge ǂoa.

Tsî gu ge toroǃkhamaoga kron-e ǁkhūxa ǁnâuga xu kuru tsî Jesub danas ai ǂnûi tsî ǂhoaǀapa sara-e ge ana bi.