Valumi 14 سے مشہور بائبلی آیات

شئیر

Kwasawuli wuntsajila wa Mulungu siyo kulya na kung'wa ng'ani, ila wuntsajila wa Mulungu wuletaga wuwuya na wusichimafu hamwe na wusangalo wowunletwa na Muhe va Mulungu. Munu yoyuve yo angumutumichila Chilisito chinya ihyo amugan'yaga Mulungu na kudichilwa na vanu.

Manyi tung'acha tungikala, tungikala kwajili ya Mutwa, na kaha manyi tukufwa tunkufwa kwajili ya Mutwa. Hoihyo duve, manyi tungikala awu manyi tufwe, tungikala kwajili ya kumugan'ya Mutwa, kwasawuli hetwe tuli vanu vake.

Ihyo siku tseka tukangalaje kudita ndongwa tso tsinleta wusichimafu na kihongetsa hetwe kwa hetwe.

Ihyo lelo tulekaje kihiga, ila tulamule kuta chila munu alekaje kuva chambutso kwa muyage kudita ndongwa ntsibi.

Kwakuva yandikwe mu Mandiko ga Mulungu kuta Mutwa anlonga, “Kota hila fyo ntsinkwendelela kikala, chila lifugamilo likufugama halutalo hangu, na chila munu akulonga mwene kuta heni yo ntsili Mulungu.” Ihyo duve chila munu akihala ndongwa tsake halutalo ha Mulungu.

Mumulibulitsaje munu munya litumbilo lidodo, mulekaje kumubedala mahotso gake.

Heve uli nani mbaka umuhije mutantsi va munu yunji? Kwasawuli muvina vake ng'ani yo an'tsela kwima awu kugwa kwake. Nayo akwima kwa wukangatso kwasawuli Mutwa vake anvetsa kumwimya.