LUKA 23
23
Yesu navamutwala kumeso aPilatu
(Mateu 27.1-2, 11-14; Mako 15.1-5; Yowa. 18.28-38)
1Kaha lizavu lyavo lyosena lyakatukile, lyamutwalile kuli Pilatu.
2Vaputukile kumuhana mulonga ngwavo, Ou mutu kana tunamuwane apwanga nakuvalumbula vaka-lifuci lyetu #20.22-25.nakukanyisa vatu kumulambwila Kesale, nakuvamba ngwenyi, Yami Mwangana Kulixitu.
3Pilatu amwihwile ngwenyi, Ove yove mwangana wavaYuleya tahi? Ikiye amukumbulwile ngwenyi, #22.71.Mwomwo vene unambe.
4Pilatu avambile vapilixitu vavalemu namazavu avatu ngwenyi, #v. 14, 22, 41; Mateu 27.23; Yowa. 19.4, 6; Vili. 13.28.Kangwamwene mulonga kuli ou mutuko.
5Oloze vakivo vahanjikile nangolo ngwavo, Eji kuvasowangizanga vatu nakuvanangula kuYuleya kwosena kufumisa kuNgalileya mbwe nakuno.
Yesu mwemana kumeso aHelote
6Oloze Pilatu hakucivwa avehwile numba nge mutu ou napu wakuNgalileya.
7Hakutacikiza ngwenyi, Ikiye napu wakuunguvulu waHelote, amutumine kuli Helote, uze ivene nawa apwile kuYelusalema hamakumbi aze.
8Jino Helote hakumumona Yesu awahililile cikuma, mwomwo hamakumbi amavulu #9.9.asakilenga ngwenyi, amumone, mwomwo amwivwile, kaha apwile nakutalilila ngwenyi, amumone hakulinga cinjikizo, xikaho.
9Kaha amwihwile mazu amavulu, oloze #Mateu 27.12, 14; Mako 15.5; Yowa. 19.9.Ikiye kamukumbulwile nalizu limweko.
10Navapilixitu vavalemu navakakusoneka vemanyineko nakumuhana milonga nakucilemesa nangolo.
11 #
Mako 15.17-19; Yowa. 19.2-3. Helote namaswalale jenyi vamulumbilixile nakumuhenda, amuvwikile mahina aupahu, amuhilwixile ceka kuli Pilatu.
12Kaha halikumbi lize vene Helote naPilatu vakwacile usepa, mwomwo hamwaka valijinjilenga nakole.
Ngwavo, Yesu afwenga
(Mateu 27.15-26; Mako 15.6-15; Yowa. 18.38—19.16)
13Kaha Pilatu avasanyikile vapilixitu vavalemu navakulwane navatu vakwavo vakunguluke,
14avambile ngwenyi, Munangunehela mutu ou ngwenu, Ikiye mukakuvalumbula vatu. Kaha talenu, ami hakumuxinjisa kumeso enu #v. 4, 22, 41.kangwamwene mutonga kuli ou mutu kuvyumevi muli nakumuvulukilako.
15Cipwe Helote nawa kaumweneko, mwomwo namukindulwisa ceka kuli etu, kaha kumana, kalingile cuma nacimwe pimbi cakutela kufwilako.
16 # v. 22; Yowa. 19.12-14. Xikaho nangumuzangamisa, kaha nangumweca.
17Mwomwo kuvanga nawa avecele funge umwe haciwanyino kana, xikaho.
18 #
Vili. 3.13-14; Yowa. 18.38-40; 19.14-16. Oloze vosena vatambakanyinenga hohamwe ngwavo, Mufumise! twecele Mbalapa, —
19ou vahakile muzuvo yaufunge hamulonga wakuputula jita munganda, nou wakujiha vatu.
20Pilatu ahanjikile navo ceka, mwomwo asakile ngwenyi, amwece Yesu, xikaho.
21Oloze vakivo vatambakanyinenga ngwavo, Vamusukike kukulusu! Vamusukike kukulusu!
22Jino ikiye avehwile kamucitatu ngwenyi, Mwomwo ika? Mutu ou napihisa ika? Kangwamwene kafwilo kakufwila muli ikiyeko. Xikaho nangumuzangamisa, kaha nangumweca.
23Oloze vakivo vamuxinjililenga namazu akukanguka nakumwamba ngwavo, amusukikise kukulusu. Mazu avo ahambakanyine ngolo.
24Kaha Pilatu ambile ngwenyi, Lingenu tuhu nganomu vanalombela.
25Amwecele uze vahakile muzuvo yaufunge hakuputula jita nakujiha vatu, uze vene valombele, oloze amuhanyine Yesu mangana vamulinge nge mwayile micima yavo.
Navamutacika Yesu kukulusu
(Mateu 27.32-56; Mako 15.21-41; Yowa. 19.17-30)
26Hakumutwala vakwacile Ximona wakuKulene, apwile nakufuma kucikwazo, kaha kulusu vamutwikileyo mangana ayimbate nakumukava Yesu.
27Kaha kuli vatu kwamukavile liyongomena lyalinene, namapwevo nawa, vapwile nakuyengayenga nakumwimbila jingungu.
28Oloze Yesu alumukile nakuvatala, avambile ngwenyi, Enu mapwevo vana vaYelusalema, kanda mungulilAmiko, oloze lililenungenu vavene navana venu.
29Mwomwo talenu, kuli nakwiza makumbi eka omu navakamba ngwavo, #21.23; 11.27; Mateu 24.19.Vatokwa vomba, majimo aze azeneka kusema vana, mavele aze azeneka kwamwisa vana.
30Haze vene navakaputuka #Hoze. 10.8; Kuso. 6.16; Isa. 2.19-20.kwamba kujipili jajinene ngwavo, Tuxiukilenu! nakujipili jajindende nawa ngwavo, Tufwikenu!
31Mwomwo kaci nge navalinga vyumevi kumutondo ututa, kaha navakalinga ngacilihi kumutondo wakuma?
32 #
Mateu 27.38; Mako 15.27; Yowa. 19.18. Kwapwile nawa veka vavali, vaka-kulinga vyavipi, vapwile nakuvatwala naIkiye hamwe mangana vavajihe.
33Kahomu vahetele kuma kuze vavuiuka ngwavo, kuKayoya, kwakuze vene vamusukikile kukulusu, navaze vaka-kulinga vyavipi nawa, umwe kulivoko lyenyi lyacilyo, mukwavo kulivoko lyenyi lyacimoswe.
34Yesu ambile ngwenyi, #Vili. 7.60.Ove Tata, ijiva kuvakonekela, mwomwo eci vali nakulinga kavacitacikijileko, xikaho. #Yowa. 19.24.Valipangilile kuvwala cenyi, vacitahixile navitaho.
35Kaha vatu Vemanyine kuze nakutala. Vaka-kuyula nawa vamutolekele ngwavo, #4.23.Nalwilinga veka, kaci nge ou napu Kulixitu yaKalunga, wenyi asakula, kaha alilwile jino ivene.
36Namaswalale nawa vamuhendele. #Mako 15.23; Samu 69.21.Vapandamineko nakumutwalila vinyo vingangamina,
37vamwambile ngwavo, Kaci nge ove yove mwangana wavaYuleya, lilwile ove lyavene.
38Kaha helu lyenyi hapwile nawa mazu akusoneka ngwavo, #Mateu 27.37.Ou Mwangana wavaYuleya.
39Kuli vaka-kulinga vyavipi vaze vasukikile kujikulusu, umwe amusawile ngwenyi, Ngwetu, ove yove Kulixitu nyi? Lilwile ove lyavene, numba utulwile nayetu nawa.
40Oloze mukwavo amukumbulwile nakumuhanjikila ngwenyi, Kumanove Kalunga kawamwivwa womako, hakumona vanakupayixila nenyi hamwe?
41Etu kutupayisa Coloka, mwomwo tuli nakutambulevi vyatela kuvilinga vyetu tunalingi, oloze #v. 4, 14, 22.Ou kalingile cuma cakuhingika cimweko.
42Kahambile ngwenyi, Ove Yesu, acingwanuke omu naukeza muwangana wove.
43Yesu amwambile ngwenyi, Camwenemwene nangukulweza ngwami, Lelo lino nautwama nayAmi hamwe #23.43:Mwatwama vatokwa.#Koli. 2, 12.4; Kuso. 2.7.muPalacise.
44Jino hapwile kafwe #23.44:Hamulungu.halwola lwamucitanu nalumwe, kaha #23.44:Mokomoko ngwavo, Hamavu hosena.kulifuci lize lyosena kwejile milima mbwe #23.44:Haciteuko, ha3.nakulwola lwamucitanu najiwana,
45likumbi lyapwile mumilima, kaha #Kulo. 26.31-35; Hepe. 9.8; 10.19.lihina lyakuvatasana muze muzuvo yajila lyapulikile mukaci.
46Kaha Yesu atambakanyine nalizu lyakukanguka ngwenyi, Ove Tata, nanguseza Xipilitu yami mumavoko ove. Hakukumisa kuhanjika ngoco afwile.
47Uze kapitau omu amwene vyuma vinasoloka amutohwesele Kalunga, ambile ngwenyi, Camwenemwene mutu ou apwanga wakwoloka.
48Kaha mayongomena osenaze akungulukile nakutala, hakumona vyuma vize vyasolokele vakindulukile kwavo #18.13.nakuliveta hamapambo avo nakupihilila.
49Oloze vaze valijivile nenyi vosena, #8.1-3; 23.55-56; 24.10.namapwevo nawa vaze vamukavile hakufuma kuNgalileya, vemanyine kwakusuku, vamwene vyuma vyosenevi.
Navamufunda Yesu
(Mateu 27.57-61; Mako 15.42-47; Yowa. 19.38-42)
50Kaha jino, kwapwile lunga umwe, lijina lyenyi apwile ikiye Yosefwe, apwile cilolo, lunga wamwenemwene wakwoloka,
51ikiye kalikundwijile navakwavo kupunga yavo namuze valingileko, apwile wakuAlimateya, kwimbo lyakulifuci lyavaYuleya, atalilililenga wangana waKalunga.
52Ikiye ayile kuli Pilatu nakumulomba mujimba waYesu.
53Kaha aufumixileho, auvungilile halihina lyalinyu, amusavalikile mucimbumbe cakutota mulilolwa, mwapwile kanda vacifundemo lyehi mufu.
54Lyapwile likumbi lyakulongesa vyahapaseka, kaha sambata yapwile kwakamwihi.
55Mapwevo vaze vejile nenyi hakufuma kuNgalileya vavakavile munyima, vamwene cize cimbumbe nomu vasavalikile mujimba wenyi.
56Kaha vakindulukile, #Mako 16.1.valongesele vyuma vyamavumba amwaza namaji. #Kulo. 12.16; 20.10.Kaha halikumbi lyasambata vanokele nganomu lwaya luximbi.
موجودہ انتخاب:
LUKA 23: LUE70
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Luvale Bible © Bible Society of Zambia, 1970.