LUKA 24
24
Mwata Yesu mwasanguka kuvafu
(Mateu 28.1-10; Mako 16.1-8; Yowa. 20.1-10)
1Oloze halikumbi lyasemana lyatete, mulungulungu lyakuca, vayile kucimbumbe nakutwala vyamavumba amwaza vize valongesele lyehi cimweza.
2Kaha lilolwa valiwanyine vanalixindumuna lyehi kucimbumbe.
3Vengililemo, oloze mujimba waMwata Yesu kavauwanyinemoko.
4Kaha casolokele, omu vapwile nakutatasana hacuma kana, kutala kuli vakivo kunemana #Yowa. 20.12.malunga vavali vanavwale mahina akuvyakuma vyakuvyaku.
5Vakivo hakwivwa woma nakufukama cameso-hamavu, vaze malunga vavehwile ngwavo, Mukakuyoya muli nakumutondela ika muli vafu?
6Kexi ceka munoko, nasanguka lyehi. Anukenu #9.22; 13.32-33.muze ahanjikile nenu ximbu apwile acili kuNgalileya,
7ngwenyi, #Mateu 16.21.Kuvanga Mwanamutu vamwecele mumavoko avatu vakaxili, vakamusukike kukulusu, kaha akasanguke ceka halikumbi lyamucitatu.
8Kaha #Yowa. 2.22.mazu enyi vawanukile.
9Vafumine kucimbumbe, vakindulukile, kaha vyuma vyosenevi vavambulililevyo vaze likumi naumwe navakwavo vosena.
10Jino vapwile #Mako 16.1; Luka 8.1-3; Yowa. 20.2.Maliya wakuMangatala naYowana naMaliya naye yaYakova namapwevo veka nawa vaze vapwile navo hamwe, vaze vavambulilile #24.10: Tala 6.13. Masatela atanu nalimwe apwile kafwe kilometa yimwe. vaposetolo vyumevi.
11Mazu awa vawevwile nge ngambulwiji kaha, kaha kavavetavilileko.
12Oloze Petulu akatukile, #Yowa. 20.3-6.alahilile kucimbumbe, kaha hakunongaminamo nakutalamo amwene aze mahina alinyu kwauka wawo, kaha afumineko ayile kumahyenyi nakulikomokela kucuma kana casolokele.
Ava navaya kuEmau
(Mako 16.12-13)
13Kaha kumana, halikumbi lize vene vakwavo vavali vapwile nakuya kwimbo vavuiuka ngwavo, Emau, kukiko kwahandunuka naYelusalema kafwe #24.13:Masatela atanu naawana apwile kafwe maili yimwe.masatela makumi atanu nalimwe.
14Vakivo vapwile nakuximutwila nakuhita muvyuma vyosena vize vyasolokele.
15Kaha casolokele, ximbu haze vapwile nakuximutwila nakulihwojola, Ivene Yesu apandamine kuli vakivo nakutambuka navo.
16Oloze #Yowa. 20.14; 21.4.meso avo awuvile mangana vahone kumutacikiza.
17Avehwile ngwenyi, Mazu awa muli nakulihwojola hakutambuka mazu aka? Kaha Vemanyine kwavo nakuhomba kumeso avo.
18Umwe, lijina lyenyi apwile ikiye Keleyopa, amukumbulwile amwihwile ngwenyi, Yove kahanyi uka wove unatwame kuYelusalema nakuzeneka kutacikiza vyuma vinasoloka kuze makumbi ano tahi?
19Avehwile ngwenyi, Vyuma vika? Vakivo vamwambile ngwavo, VyaYesu wakuNazaleta, Uze apwanga #Mateu 21.1; Luka 7.16; 13.33; Vili. 3.22.kapolofweto wangolo nakuvilinga vyenyi nakumazu enyi kumeso aKalunga nakumeso avatu vosena,
20omu vamuhananga vapilixitu vavalemu navilolo jetu mangana ngwavo, vamupayise afwe, kaha vamusukikanga kukulusu.
21Oloze etu twatalililanga ngwetu, Ikiye vene Ou #1.68.mwakavasokola vaIsalele. Mwomwo vene, kaha nawa lelo lino linapu likumbi lyamucitatu nawa kufumisa haze vyasolokanga vyumevi.
22Kaha nawa, vakwetu mapwevo vamwe vatukomwesanga, #v. 1-8; Yowa. 20.3-10.mwomwo vapwanga cimenemene kucimbumbe,
23kahomu vahonanga kuwana mujimba wenyi, vezanga vatwambanga ngwavo, Vatumwenesanga vangelo, vakivo vatwambanga ngwavo, Ikiye nayoyo.
24Kaha vakwetu veka nawa twapwanga navo vayanga kucimbumbe, vaciwananga nge mwamuze vambanga vaze mapwevo, oloze Ikiyenyi kavamumwenemoko.
25Yesu avambile ngwenyi, Enu Omwo mwahona mangana, nomwo mwaxipwokela mumicima yenu kwitavila mwosenomwo vahanjikile vapolofweto!
26 #
Hepe. 2.10; Petu. 1, 1.11. Camutelanga Kulixitu kumona Vihuli evi numbengile nawa muupahu wenyi nyi?
27Kaha hakuputuka #Kupu. 3.15; 12.3; Kula. 21.9; (Yowa. 3.14); Luxi. 18.15 (Yowa. 1.45).kumazu aMose #Samwe. 2, 7.12-16; Isa. 7.14 (Mateu 1.23); Isa. 9.1-2 (Mateu 4.15-16); Isa. 53 (Mateu 8.17; Luka 22.37); Ndanye. 7.13 (Mateu 26.64).nawawa avapolofweto vosena, vyuma vyakumuvuluka Ikiye avalumbunwinyinevyo kuMazu-vasonekosena.
28Kaha vahetele kwakamwihi nalimbo lize vapwile nakuya, oloze Ikiye #Mako 6.48.himwalinga nge mwasaka kuhambakanako.
29Oloze vamuxinjilile ngwavo, Twama nayetu, mwomwo likumbi hicingoloxi, linatoko lyehi. Kahengililemo atwamine navo.
30Kaha casolokele, omu alingile hanasendavala lyehi navo kumesa, mbolo ayinonele, #9.16; 22.19; Mateu 14.19; Mako 14.22.ayiwahixile, ayipuzwile, avahanyineyo.
31Kaha meso avo atonene, vamutacikijile, kaha Ikiye kumeso avo hilelanganyi.
32Kaha valihwile ngwavo, Twapwanga nakwivwa hyangu kumicima yetu omu apwanga nakuhanjika netu mujila, nomu apwanga nakutulumbunwina Mazu-vasoneka nyi?
33Halwola luze vene Vakatukile vakindulukile ceka kuYelusalema, kaha vawanyine vaze likumi naumwe vanakunguluka, #Vili. 1.14.navaze vapwile navo,
34vapwile nakwamba ngwavo, Mwata nasanguka vene, #Koli. 1, 15.5.nalisolola lyehi kuli Ximona.
35Kaha vakivo nawa vavahicilile muvyuma vize vyasolokanga mujila, nomu alijimbulanga kuli vakivo hakupuzula yize mbolo.
Mwata Yesu mwalisolola kuli tumbaji twenyi
(Mateu 28.16-20; Mako 16.14-18; Yowa. 20.19-23)
36Ximbu vapwile nakuhanjika vyumevi, #Yowa. 20.27; 21.5, 9-13; Koli. 1, 15.5; Vili. 10.40-41.Ivene Yesu hilwi mukaci kavo, himwavamba ngwenyi, Kuli enu kupwenga kuunda.
37Oloze vakivo valizuzukilile, vevwile woma, mwomwo vaxinganyekele ngwavo, #Mateu 14.26.Tunamono Xipilitu, xikaho.
38Kaha avambile ngwenyi, Muli nakulinyengela ika? Kaha ikaze muli nakukakasanyina mumicima yenu?
39Talenu mavoko ami namahinji ami mungutacikize yami Ivene. #Yowa. 1, 1.1.Ngukwatenu namavoko enu mumone, mwomwo Xipilitu kexi nanyama navifuhwa nganomu munangumono Ami navyoko.
40Hakukumisa kuhanjika ngoco avalwezele mavoko enyi namahinji enyi.
41Vakivo omu vapwile kanda vacitave nakuwahilila nakulihomokela, avehwile ngwenyi, Muli nacuma cakulya kuno tahi?
42Kaha vamuhanyine cihanda caixi wakupepela.
43Acitambwile #Vili. 10.41.acilile kumeso avo.
44Kaha avambile ngwenyi, #9.22, 44-45; 18.31-34; 22.37. Wawa vene mazu Ami ngwahanjikile nenu ximbu ngwapwile ngucili nenu ngwami, Vyuma vyosenevi vasoneka #v. 21.kujiximbi jaMose nakumikanda yavapolofweto #Samu 2 (Vili. 13.33); Samu 16 (Vili. 2.27); Samu 22 (Mateu 27.34-46); Samu 69 (Yowa. 19.28-30); Samu 72; 110 (Mateu 22.43-45); Samu 118 (Mateu 21.42).nakuJisamu, vyuma vyakunguvulukAmi, ngwami, kuvanga visoloke.
45Haze vene avajikwile mumicima yavo mangana Mazu-vasoneka avalumbunukile.
46Avambile ngwenyi, Mukiko vene muvasoneka ngwavo, Kulixitu mwakamona vihuli mwakasanguka ceka kuvafu halikumbi lyamucitatu,
47kaha ngwavo, mulijina lyenyi vakambululenga #Vili. 5.31; 10.43; 13.38; 26.18.kwalumuka cakupihilila, nakwambulula kuvakonekela milonga yaxili, #Mateu 28.19.kuli vakamafuci osena, kuputuka kuYelusalema.
48Kuvyumevi enu munapu #Vili. 1.8, 22; 2.32; 3.15; 4.33; 5.32; 10.39, 41; 13.31; Petu. 1, 5.1.muvinjiho.
49Kaha talenu, #Yowa. 14.26; 20.21-23. Ami nangukamitumina Uze vamixika lyehi kuli Tata, oloze #Vili. 1.4.vandaminenunga muno munganda palanga nomu navakamivwika ngolo jakufuma mwilu.
Mwata Yesu mwaya ceka mwilu
(Mako 16.19-20)
50Kaha avalowelemo avatwalile mbwe nakwakulitalasana naMbetane, kaholwele mavoko enyi nakuvawahisa.
51Kaha casolokele, haze apwile nakuvawahisa, #Vili. 1.9-11.avahandunukile, kaha vamutwalile mwilu.
52 #
Vili. 1.12-14. Vakivo vamulemesele, vahilukile kuYelusalema nakuwahilila cikuma.
53Kaha hakumbi hakumbi vapwile mutembele nakumukisula Kalunga.
موجودہ انتخاب:
LUKA 24: LUE70
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Luvale Bible © Bible Society of Zambia, 1970.