Jon 2
2
Leki li vini ah Kena
1Ren karu tevan ba ram leli leki li vini ah Kena niah Galili. Bi dajin Jisas tevan nesok masen. 2Rat tehu Jisas mini non tarutni nuhu batsok masen leki nanong. 3Entorah rat min sera ma waen ba dajin Jisas bep mini nuhu, “Nanong ba mawaen tenok.” 4Jisas bep mini nuhu, “Koba vepansi mini nana gonani nok to tebadopma nga.” 5Dajin Jisas bep mini ajinan uman ni nuhu, “Kan lel radanai apma ah man bep mini gimi.”
6Tangin sileng tesansadok iginan tei telapaleh niah rat leli i tanmalkobo. Tangin sileng ni nong ba goah bwaleh bat wuhu gallan ngawul karu io ngawul kajil, gonai halan lehlehvikan non Jiusni ba tei halkawu lengleng niah rat toni sileng uru. 7Jisas bep mini ajinan umanni nuhu, “Karu dihri sileng vale tangin sileng ni nong.” Ram dihri ah rat wewelip sera. 8Bi bep mini ni nuhu, “Nanong ba karu utvite sileng nong bi kamali ban salenan kanleutan.”
Ram utvi bi ram mali ban. 9Tehu mini dopmi ba tegamui waen, tei telekelgini ut ah tepma iginan. Ba aji nan umanni rat teililngi. Mahu aji ah telak 10bi bep mini nuhu, “Aji seranae ba ram dihri bawora kabis nan waen mini tarutni limalen ba mwegai sonorin. Ba kik, ba kot wesak gololo kabisnan si!”
11Jisas teleli vawonan non ililnan rowok tetkol ni nong li vini ah Kena niah Galili. Tei iginan ba tesesra non meresan bi non tarutni rat vihni mwetaknga nan.
12Tei limalen ba Jisas bi dajin bi kisani bi non tarutni raban nedok sosok li vini ah Kapaneam.
Jisas tevan le valin God
13Jisas tesak Jerusalem le sasabisian non at Isrelni le kanleut nan Pasova u gonani taron tei tedi bwelwel. 14Tehu ban le koron valin God ba butdihi tarutni ah ratti newos i bila buluk bi bila sipsip, bi bila bwihil. Bi goah ratti nehli mane non tarutni. 15Mweleli rubu i biribiri kawa. Bi mogoro tarutni mini bila buluk, bi sipsip dini koron valin God. Mwedai buwukani bwelakain no mane bi mwegabarak bwotwot i no mane. 16Maskani dalekte mini goah ratti newos i bila bwihil nuhu, “Karu apko bilami bwihil baiang! Kaba lelian ba valin Tadat nema gamui valin nomi wosan.” 17Non tarutni ra bihni lenga mwetani vehuran ah mwatpo le ululan at mwate niah tevep nuhu, “Valin God ba nan ba mapmaplelnga ini, tekeni goah nat ba mamaplil nga i kaba.”
18Jiusni rabep nuhu, “Uman kawu apma ah kon leli niah kaman gita ililnan nuhu nom woswosan tedok u goah kon leli apma ah tedapmak ahe?” 19Jisas balu ini bep nuhu, “Karu sengsegelani valin God ahe ba manei ren kajil nge ba nam lep dumre ini.” 20Ra balu, rabep nuhu, “Valin God ahe ba tei dam ngawul kavet vepnan telapaleh nagoah telelan. Ba kom gavep nuhu manei ren kajil nge ba kom lel bamula?”
21Ba valin God ah Jisas tedoptop nokon ba tei mamjin. 22Tei limalen goah tedumre bamul dini mete ba non tarutni ram gabihni lenga mwetani vehuran ah tevep. Rat vihni mwetaknga nan dalekte ah mwatpo le buk sanbak at mwate, bi mwegai dalen Jisas.
Jisas maililngi aji sera
23Ajini halkawu lengleng rat vihini mwetaknga nan Jisas u ililnan rowok tegol ah teleli entorah tedi Jerusalem le kanleut nan Pasova. 24Jisas tei tebaite sasari ni nga tokol gonani teililngi sera jine. 25Aji batba vep seresere halan no vihnian nga mini gonani teililngi sera apma ah tedi le jine.
موجودہ انتخاب:
Jon 2: APMA
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the Bible Society of the South Pacific in 1977.