Những câu Kinh Thánh phổ biến từ Yʉanes 14

Chia sẻ

«Motala ó me lé eliʼe bɨn e ma ma. Motala mam ó me lé edwe bɨn ma. Me adwe bɨn motala mam mpʉ bʉr o si nwaʼ lé edweela bɨsɔʼɔ, ka bula dɛn bye e. Asyɛl ga ba. Ajoʼo ga bʉa.

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yesʉs, nye e be ó: «Asyɛl ga ba. Bɨn bɨ jyɛʼ taa buʼo yin boo Zyɛm. Jyɛʼɛ ga nteme ye boo me.

Mʉr ndɨ ekamle e bɨn ɨ, nye ó Mbɨambɨa Sisim. Sɔŋ wam ólomlo bɨn wa ó, é die lam. Nye óyeʼle bɨn sa yiyɛh, lé ejɨm bɨn bɨtoŋla é lɔb sa yiyɛh me a lɛɛ-lɛɛ bɨn ɨ.

«Mʉr lé ebaʼle mɨtiila myam le edu mye e, nye ó ndɨ ekpɛl me. Waa nyiwɛh ndɨ ekpɛl me e, nye ó waa Sɔŋ wam ókpɛl ɨ. Me nteme ókpɛl nye. Me ópyal boo nye.»

Me ódî Sɔŋ wam ó, nye ntɨhɨ bɨn nuu mʉr ókamle e bɨn mpʉ mo me e. Nye óze di e bɨn é jɔʼ yiyɛh. Nye ó ndɨ Sisim Ocyecye. Bʉr o ndɨ egumo e si nwaʼ ɛ, bé abe e nkul enʉa nye é monyʉl mɔɔ, ebe, bé abe e nkul ebee nye, nkʉ gʉa nye. Bɨn ó ndɨ egʉa nye, ebe, nye edi ó, bɨn e boo nɔɔ. Nye nteme, nye ó é l'esama lɨn.

Me óntɨh bɨn sa yiyɛh bɨn bé ódî le ejaʼ Sɔŋ wam, pere e die lam ɨ. É mbi waa ó bʉr, bé ógumlo Zyɛm Sɔŋ ebe Mwan mo Zyɛm ɨ. ǃBɨn si jaʼ sɔʼɔ, pere e die lam nɛʼɛ, me ódwe bɨn ya.»

«ǃBɨn si kpɛl me nɛʼɛ, bɨn nteme, bé ódu mɨtiila me lé etiile bɨn ɨ.

Me paʼ to komlo bɨn modia gumo bɨn bé óto di ɨ. Mbɛr mo Sɔŋ wam, wé ó, é buo modia. Nkʉ yé a be ó be, abe no nɛʼɛ, mpa me a baalɛɛ e bɨn ó, me óto komlo bɨn modia gʉ.

É jɔʼ me óbe si to, sil to komlo bɨn modia maa ɛ, me óbula ze nʉa bɨn é l'efu ó, bɨn toʼ, to di gumo me ódi ɨ.

Tomas, nye e nye ó: «Da, bɨh bé agʉa nko go muno to e. A bɨh bɛɛ, bé ódweʼe zi waa nyá ɛ?»