Iivesi zeBhayibhile ezithandwayo ezisuka IZAFOBE 11

Share

Umntu ophayo uba nenkqubela; ukuba ùyabanceda abanye abantu nawe uya kuncedwa.

Abanye abantu banezinwe kodwa bahambela phambili ngenkqubela; kanti ke bambi abasoluli isandla noko baya beswela ngokuswela.

Umntu ozigwagwisayo uyakhawuleza ukuhlazeka; kambe ke kona ukuzithoba kuhamba nobulumko.

Isizwe esingenamcebisi siyawa; kanti ke xa sinabacebisi abaninzi siba luqilima.

Isiqhamo sâbo balungisayo ngumthi onika ubomi; umntu onobulumko uhlangula imiphefumlo yabantu.

Umntu ongenasifuba uyazidiza iimfihlelo; kambe ke yena othembekileyo uyaligcina ihlebo.

Umntu onobubele uyazimaseka; kambe ke yena ongqwabalala uyazenzakalisa.

Umntu okholosa ngobutyebi bakhe uvuthuluka njengamagqabi ebusika; ke yena umntu ofanelekileyo uhluma njengamagqabi entlakohlaza.

Ubutyebi bomntu abumsindisi kwingqumbo kaThixo; sisimo esisulungekileyo kuphela esimhlangulayo umntu ekufeni.

Ukunyaniseka kuyamalusa umntu othe ngqo, kodwa ke bona ubuqhokolo buyawabhangisa amaqhophololo.

Ubunzwakazi bomfazi ongenangqiqo bufana nomsesane wegolide empumlweni yehagu.

UNdikhoyo umthiyile umntu osebenzisa isilinganiso esinegobe; kambe ke uyamthanda lowo usebenzisa isilinganiso esingenaxanasi.