Iivesi zeBhayibhile ezithandwayo ezisuka Ruuka 6

Share

Mohaanenga abhantö ëbhëntö, ho na bhëënyu bhonswe morehaanwa ëbhëntö. Morehaanwa ekerengere ikiiya bhököngʼu, keno kirisingisibhwa na ukwighaterwa, okore kyeshore kora kyetekerre. Mbe, ekerengere keno mokohaanera-mo abhandë, nkyo na bhëënyu bhonswe morehaanerwa-mo.”

“Ni-ighoigho na abhantö bhonswe. Ömöntö uwa heene, amangʼana aghaaye amaiya nkurwa gharë mo-maitegherro aghaaye agha heene ghano aanagho mo-nkoro iyaaye. Na ömöntö omoghogho wonswe, amangʼana aghaaye amaghogho nkurwa gharë mo-maitegherro aghaaye amaghogho ghano aanagho mo-nkoro iyaaye. Mbe, amangʼana ghano ömöntö akoghamba, n-gaara ghaishööyë mo-nkoro iyaaye.

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Mwabhere abhantö, kya bhono Suwëënyu uwa mu-ryobha akwabhera abhantö.

“Motakaabhotorra abhandë ibhiina, ho na bhëënyu bhonswe motarebhotorrwa ibhiina. Motakaatema abhantö amasoro, ho na bhëënyu bhonswe motaretemwa amasoro. Mwabhere bhano bhakobhasarrya, okore na bhëënyu bhonswe, muushekwabherwa.

“M-bëënyu nkötëëbhya bhano mukunyitegherra. Mohanshenga abhabhisa abhëënyu. Abhantö bhano bhakobharegha, bhëënyu mobhakore bhuuya. Mongʼoore bhano bhakobhaihiima. Bhano bhakobhanyankya, bhëënyu mobhasaasaamerenga ku-Waryobha.

Mokorrenga abhantö kya bhono mukutuna bhabhakorrenga.

“Hano ömöntö araakosere akoteme öröhë ko-mboto, umusyörri na emboto iyëndë. Hano ömöntö araakuruusi ëkööti yaaho, mohaane kora ishaati yonswe agheghe. Hano ömöntö wowonswe igho akosabhirë ëkëntö, omohaana. Hano ömöntö araakosake ëbhëntö ibhyaho, otakaamosabha akukyörri.

“Teghooho ömötë umuuya ghono ghukwama sehagho sengogho hë. Kora ghwiki, teghooho ömötë omoghogho ghono ghukwama sehagho sinshiiya hë.

Sehagho seno sekoreebhwa, tisikutwebhwa ko-bhehore hë. Ebhesaka ibhya amahwa, tibhikwama sitiini hë. Ömötë nkomanyerwa ghörë ko-sehagho isyako.