Iivesi zeBhayibhile ezithandwayo ezisuka Eyokuqala incwadi ka‐Paulusi kuma‐Korinte 15

Share

Ngako oko, bazalwana bam abatandiweyo! yibani niqinile, ningenakushenxiswa, nikolisa ukwanda emsebenzini WENKOSI ngamaxesha onke, nisazi nje ukuba umzamo wenu awuyinto engendawo ENKOSINI.

Kodwa makubulelwe KUTIXO, osinikayo ulwoyiso ngayo INKOSI yetu u‐Yesu Kristu.

Ize ningakohliswa ke: Izincoko ezikohlakeleyo ziyonakalisa izimilo ezilungileyo.

Kodwa ngofefe LUKATIXO ndikoko endikuko: nofefe lwake olwenzelwa mna alwaba yinto engendawo; koko ndagqitisayo kubo bonke ngokusebenza kakulu; ndingendim kodwa, lufefe LUKATIXO olube lukunye nam.

Lupina, Kufa! ulwavila lwako? Lupina, Hadesi! ulwoyiso lwako? Kekaloku ulwavila lwokufa, sisono; namandla esono, ngumteto.

Bona ke, ndiyanixelela imfihlakalo: Asiyi kulala kukufa sonke, kodwa siya kuguqulwa sonke, ngesiqupe, ngepanyazo leliso, ngexilongo lokugqibela: ngokuba ixilongo liya kuhlokoma, baye abafileyo beya kuvuswa bengenakubola, nati siya kuguqulwa.

Ngokuba ekubeni ukufa kwezayo ngaye umntu, kweza ngaye umntu nokuvuka kwabafileyo. Ngokuba njengokuba ku‐Adame bonke bafayo, kwa njalo ku‐Kristu bonke baya kudliswa ubomi.

Ngokuba oku okubolayo kufanele ukuba kwambate ukungaboli, noku okufayo ukuba kwambate ukungafi.

Ngokuba efanele ukupata ubukumkani, ade azibeke zonke intshaba zake ngapantsi kwenyawo zake. Utshaba lwokugqibela olutshatyalaliswayo kukufa.