Fumana i-appPhila ngamandla nobukhalipa!Isampulu
UThixo uze kuwe!
Isithembiso sobomi baphakade sisiqhamo sokuza kukaThixo kuthi kunokuba luluntu oluzama ukufuna nokufumana uThixo kwindawo ethile ekude.
Ukususela kwamandulo, uThixo usithande ngabanye ngothando olungenaxhomekeko nolungapheliyo. Injongo yakhe kwasekuqaleni yayikukuba nolwalamano oluqinileyo noludlamkileyo nathi ngabanye. Kodwa, kwathi xa uAdam noEfa bengamthobeli uThixo eMyezweni, isono sabo sadala umqobo phakathi kwabo noThixo. Sahlulwa naye okokoko.
Endaweni yokusivumela ukuba sihlale sahlulwe naye, uThixo waqalisa isicwangciso sakhe esifezekileyo sembuyekezo – esiphenjelelwa kukusithanda nayinceba kuthi engapheliyo. Injongo yesicwangciso sakhe kukubuyisela ngokupheleleyo eyona miba inzulu yolwalamano lwakhe noluntu njengoko lwalukho phambi kokuba uAdam noEfa bone.
Ngaphezu kweminyaka e2000 eyadlulayo, uThixo wathumela uNyana wakhe ehlabathini ukuba asuse umqobo odalwa sisono kwaye enze usindiso lufumaneke kumntu wonke.
“Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo. Kuba kaloku uThixo akamthumanga uNyana wakhe ehlabathini ukuze aligwebe, koko wamthuma ukuze abe nguMsindisi walo.” UYOHANE 3:16-17
Ngokufa nangokuvuka kwakhe ekufeni, uYesu wasihlawulela ngokupheleleyo isohlwayo sesono, waza wawususa umqobo phakathi kwethu noThixo. Oku kuxolelwa kokomntu wonke omamkelayo ngengoMsindisi
Kodwa le nto yayisisiqalo nje. Phambi kokuba ixesha likaYesu lokudibana noYise eZulwini liphele ehlabathini, wachazela abalandeli bakhe omnye umba obalulekileyo wesicwangciso esimbaxa sikaThixo sokubuyisela uluntu kuye:
“Ikho indawo kowethu. Ukuba bekungenjalo ngendingàtsho ukuthi ndiya kunilungiselela indawo. Ndakuba ndimkile ke ndaya kunilungiselela indawo, ndiya kuza kuniphuthuma, nize nani nibe lapho ndikhoyo mna.” UYOHANE 14:2-3
UThixo zange anele kuthumela uYesu ukuba asuse umqobo wesono, ngenye imini kwixesha elizayo uYesu uza kubuya ukuze abuyisele onke amakholwa “ekhaya” abe naye ngonaphakade.
IsiBhalo
Malunga nesi Sicwangciso
Akuwedwanga. Akukhathaliseki nokuba unosuku olunye okanye iminyaka e30 ulikholwa, le nyaniso ayigungqi malunga nantoni na enokuba ngumngeni kuthi ebomini. Funda indlela yokwamkela ngamandla uncedo lukaThixo kwesi sicwangciso.
More
Sithanda ukubulela Twenty20 Faith, Inc. ngokusinika esi sicwangciso. Ngolwazi oluthe vetshe, nceda undwendwele: https://www.twenty20faith.org/
