Matthew 12
12
Chaptergē Klāalth wok Stung.
1ASHGE timegē gud sundigāgang tlo, Jesus corn kwulthkadazi kalthgwīd kāgang, waigen lagagahatijanḡē kwotagālang, altsīilth corngē ḵal ltha dunḡīīdang ltha tāan.
2Tlīstluan Pharisee hāadē kāngang tlo hin lā ltha shūtaiang, kwoking sundigastlo dung gagahatijanḡē tliku kingwoguns shūs kingān kum wauānḡung
3Hin ltha il shūtaiang, tliku David waugang kum gu dalung readadāngudjang tlīstluan il kwotagālang tlo waigen lā alth ltha idjan gē ishin:
4Yenkien Shānungetlagidas giē nē ai il katsaiang, Shālānā giē shibiligē il tāgang, waigen kum il tāgēan lawḡāngang, waigen lā alth ltha idjan gē ishin. Tlan laplētgas gē an swaunan idjāni.
5Kum gu lawgē ā ishin an dalung readadāngudjang? Sundigastlo laplētgas gē churchnē yūans ā sundiga tlaoulthdāunḡunsā, waigen ltha kwudou lāgung.
6Tlaou hin dalung shūdang, churchnē yūans telgu nung swaunshung eds ādlun īching.
7Kalthshint lth kwutungsang, waigen tagiāsā lth kum. Tliku adshi edgē an dalung ūnshitalstlo lth hāada kum kin dāunga istāns kum dalung ginkilislungs gaiahānḡung.
8Nung ītlinga kit altsīilth sundiga ishin an Shālānā gāgung.
9Tlīstluan il kaiitan tlo churchnē hudila ai lthanga il katsaiang.
10Waigen kwoking nung stlē yilgalā ā idjāni, waigen hin lā alth ltha kiānangang, sundiga ai lth hāada tlanūngistliē gu lā us? lā an ltha gakilskulthliēanā.
11Waigen hin ltha il shūtaiang, nung ītlinga dalung shu isis lamato swaunshung il daastlo, sundigastlo kin hēla ā il gluīsastlo kum gu stāhā lā il dungtlisstāngashā us?
12Altsīilth lamato swaunshung telgu nung ītlinga kwoyāgung: altsīilth sundiga ai kin lā istiē ū lāgung.
13Itan hin nung ītlingas il shūtaiang, stlē unga lth jistli, waigen stlē unga il jistlaiang, waigen hinawē gē kingānu langa lagālāni.
14Waigen Pharisee hāadē issāgang, waigen tliku lā ltha tiatlidzuasēs eddēid ltha kaoukgāgang.
15Tlīstluan Jesus anūnshitālang tlo stāhā il kaiitang, waigen ltha skūla yūan lā tlā istiēdang, waigen ltha wautliwan il tlatagwiēlgangang,
16Waigen kum hanstagang ltha il shūalthāngang.
17Tliku Isaiah nung Prophetgas shouan kingānu edāni, waigen hinū il shouan:
18Kwoking dī kitzada isis lā lth kīang: lā lth kwoyādung: waigen lā alth dī kwutungē lāgung, altsīilth hānts unga lā inku lth istāshang, waigen ginkilislang tliga kalat hāadē il kingdāshang.
19Kum il gūshū saatsḡaāngasang, waigen kum il sahailthāngsang, waigen kūkit ā kum nung ītlinga swaunshung il kil kwudungāngsang.
20Kun chits whaundals kum il tlawhauāngshang, waigen kinēsta aiyoudastlas kum il tlakīlthāngsang: lth hāada wautliwan il ginkilislungs silīd lā gwikāēlthasang.
21Il kēyui tligakalat hāadē yetāshang.
22Wadlu hetgwaulana alth nung stāougas lā ā ltha istaiang, il hangkagāgang ken il kil gouang, waigen lā il tlanūngistlaiang, altsīilth nung hangkagas kil gūs gūshouang, waigen kin il kāngang.
23Waigen lth hāada wautliwan kaldungāgang ken hin ltha shouan, kum gu David kit ā isāng us?
24Tlīstluan Pharisee hāadē kwudangāni tlo, hin ltha shouan: anung ītlinga Beelzebub alth stunḡung, waigen Beelzebub ga hetgwaulanagas gē an Prince gāgung, altsīilth lā alth ga hetgwaulanagas gē kiak il dānḡung.
25Tliku ltha kwudungs an il ūnshitālang tlo hin ltha il shūtaiang, kingdomgē wautliwan gū istasken hēlō odzūashang: waigen ilnigē wautliwan isken nāa an ishin gu istasken kum tlazūḡiangāngshang.
26Waigen hetgwaulana hetgwaulana an kiak dāngstlo, kasino itan kingdomgē langa giangtlidzūashang?
27Beelzebud alth ga hetgwaulanagas gē kiak lth dāngstlo, kīst althlu dalung kitilung ga hetgwaulana gas gē kiak dānḡunḡung? altsīilth dalunḡiē ginkilislung lēilung ltha isisang.
28Shānungetlagidas hānts alth ga hetgwaulanagas gē kiak lth dāngstlo, yenkien Shānungetlagidas giē kingdomgē dalung an edatlā tlingāgung.
29Kasino nung ītlinga tagwias giē nē ai nung katsa tlidzoutlingāgung, kin ai langa il skininungēanā? nung tagwias il kētsgust tlāgangstlo itan kin ai langa il skininungasang.
30Kum dī alth nung isāngs dī hanlthā il ēdung: waigen kum dī alth gwuda kin nung istānsu tligwanan hagwudjanḡung.
31Altsīilth dalung ga lth shūḡung, kin dāunga gwudila ed wautliwan isken, gūshou dāunga gwudila ed wautliwan ishin lth hāada an dalung istas gakakungasang: waigen Hānts Las ā ginggangan gūshouwē lth hāada shūtas kum gakakungāngsang.
32Waigen kīstho nung ītlinga kit ā ginggangan gūshou ed shūtasken lā gakakungasang: waigen kīstho Hānts Las ā ginggangan gūshou ed shūtas kum gakakungāngsang, adshi tligē gwau isken, tligē isungkasas gu an ishin kum lā gakakungāngsang.
33Kinlthkai tlalāgelth, waigen hānē langa lāsang: kinlthkai tladāunged, waigen hānē langa dāungasang: kinlthkai hānē althlu an ītil ūnshītung.
34O sik gwudistakānḡē, dalung dāungang: kasino dalung dāungas gūshou lā shūta tlidzūgung? ltha kwutungē ā kin isis stāhā ltha hēlthli gūshūsi althlā.
35Nung ītlinga las il kwutungē ā kin lā isis stāhā lthāalgwi kin las il istaḡunḡung, waigen nung ītlinga dāunga il kwutungē ā kin dāunga isis stāhā Ilthāalgwi kin dāunga il istaḡunḡung.
36Altsīilth dalung ga lth shūḡung, lth hāada kil skunsalunga wautliwan shūtas ginkilislangē shantlanē ai lthāalgwi unga ltha istāshang.
37Dung kil hagunan dung kagunasang, waigen dung kil hagunan dung gūashang.
38Itan takālung lēilung ītli isken, Pharisee hāadē ītli ishin, hangtlan hin lā ltha shūtaiang, Nungītlagidas, kin skadagā dung stāhā isis kāngē da ītil kwudunḡung.
39Waigen hin hangtlan ltha il shūtaiang, ga dāungasgē isken, waigen chaaiga gwudistakānḡē ishin kin skadagā da kinḡunḡung, waigen kum kin skadagā ltha ga istiāngshang, tlan Jonah swaunan giē kin skadagā ltha ga istiāshang.
40Jonah sin lth'unilth isken hal lth'unilth ishin kwun del ā idjan kingān nung ītlinga kit tligē kātli ā isisang sin lth'unilth gud, waigen hal lth'unilth ishin.
41Nineveh hāadē ginkilislangē shantlanē ai adshi gwudistakāngē alth tlazūgiangshang, waigen unga ltha ginkilislungshang: Jonah tlāgūkgūshouang tlo ltha kwutungē unga stīlthtaiāni althlā, waigen Jonah telgu nung eds ādlun īching.
42Housik hāadē an nung Queengas ginkilislangē shantlanē ai adshi gwudistakānḡē alth giangshang, waigen unga il ginkilislungshang: tliga unga stāhā Solomon kutungas kwudungēanu il kātlāgāni althlā, waigen kwoking Solomon telgu nung eds ādlun īching.
43Tlīstluan hānts kum skwunaans nung ītlinga stāhā kāgulthstlo, tlītzan kum hānlth kāng gaangs kalthgwīd il kaounḡunḡung anshanzouta da il kingēan, waigen kumu il kīānḡung.
44Altsīilth hinū il shūḡung, nē gwi unga lth stīlthasang giē stāhā lth kāgwulgunā: waigen nē ik il katsastlo ḵal is il kīīgun, waigen lthkioudal skwunagalāsi an ishin.
45Itan il kaiitang, waigen lā telgu hānts adda dāungas chigwau isis kinung an il istang; wai ltha istzasken waigen ā ltha naangelgung. Kwunā il dāungaiang telgu otgwau il dāungēdung. Waikingān adshi gwudistakānḡē dāungasi an edasang.
46Houān lth hāada ā il gūshūḡundang, kwoking il ou isken kwaialung ishin kiā tlazūgiangang lā ā gūshūē da il kwudungouān althlā.
47Itan nung swaunshung hin il shūtaiang, kwoking dung ou isken dung kwaialung ishin kiā tlazūgianḡung, waigen dung ā gūshūē da il kwudungwang.
48Waigen hangtlan lā ga nung shūs hin il shūtaiang, kīstho dī ou īching? Kitildou dī kwaialung īching?
49Lagagahatijanḡē gwi stlē unga il jistlaiang ken hinū il shouan, kwoking dī ou isken dī kwaialung ishin ā īching.
50Altsīilth kistho dī Aung shā isis kwutungē kingān wausken, dī kwai isken, dī chas ishin, dī ou ishin il īching.
Àwon tá yàn lọ́wọ́lọ́wọ́ báyìí:
Matthew 12: HAIDA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
First published by the British and Foreign Bible Society 1891-1899.