Matthew 13
13
Chaptergē Klāalth wok Lth'unilth.
1ASHGE shantlanē gud Jesus nē stāhā kaiitang, waigen skwausjinku il kouwaiang.
2Waigen ltha skūla yūan kwudungalthan lā an istlāgang, altsīilth kontlu gwi il kātlīsken gwau il kouwaiang, waigen ltha skūlas wautliwan skwausjinku tlazūgiangang.
3Waigen kin kwan kīgang ā isis ltha ga alth il giatlindaiang, waigen hinū il shouan, kwoking tatlidzalē kiak kāgwulgung tatlidzaēanā;
4Waigen tlīstluan il tatlidzaiang tlo, mātla tītch kūwē kātli ḵhūḡaiāni, waigen ettit ungadaltlāgang, waigen ū tāḡangāni.
5Tliga kwau ingwi mātla tītch ḵhūḡaiang giouk kum kwiē kwanāngan gwau, waigen houītang kwustajāni kum kwiē gungāngani althla:
6Waigen tlīstluan juiē kātlātlaiāni tlo sahādungkilthistlaiang, waigen kum skūsliangu wau angāni althlā kōdanstlaiani.
7Ītli ishin hōtdungal shuīt ḵẖūḡaiani, waigen hōtdungalē inastlasken hōḵẖoujistlaiang.
8Waigen ga kalat kwiē lā ai ḵẖūḡaiang, waigen hānē waugud koustlaiang, tītch gud lagwau klēlth gangang: tītch gud ishin lagwau lth'unilth gangang, waigen tītch gud ishin klālē lth'unilth gangang.
9Kin kwudungūng ḵū nung daas agwan lth il kwudungda.
10Lagagahatijanḡē lā an istlāgang, waigen hin lā ltha shūtaiang, kashintlou kīgangē alth ltha ga dung giatlindung?
11Waigen hangtlan hin ltha il shūtaiang, shāgē kingdomgē kin saalgas dalung ga istias althlā an dalung ūnshitēanā: ltha ga tlou kum istiānḡung.
12Altsīilth kīstho kin daas lā ga istiāshang, waigen wautelgu il daēlthasang: waigen kīstho kum kin daānḡung, yenkien kin il daas lā stāhā istiāshang.
13Altsīilth kīgangē alth ltha ga lth giatlindang, kin ltha kings kum ltha kingāngsi althlā, kin ltha kwudungs kum ltha kwudungānḡung, waigen isi ishin kum an ltha ūnshitānḡung.
14Waigen tliku Isaiah shouan kingān ltha ēdung: waigen hinū il shouan, kin dalung kwudungstlo kum an dalung ūnshitalthāngsang: kin dalung kingstlo kum ai dalung kwudāāngashang.
15Ā lth hāada isis kwutungē kwanelgung, waigen kin ltha kwudungēanu ltha ḵū katsang: waigen hangi unga ishin ltha oiyūlthtadang. Kin hangi unga alth ltha kings isken, kin ḵū unga alth ltha kwudungs ishin: kin kwutungē unga alth an ltha unshits ishin: dī gwi kwutungē unga ltha stīlthtiē ishin, waigen ltha lth tlanūngistliē ishin ga ltha lthwaugaḡunḡung.
16Dalung hangi tlou lāgung kin kingsi althlā: dalung ḵū ishin lāgung kin kwudungsi althlā.
17Altsīilth yenkien dalung ga lth shūḡung, prophets kwan isken, ga las gē kwan ishin ā kin isis dalung kingsu kānḡē da kwudangang, waigen kum ltha kingāngā ni: kin dalung kwudungsu kwudungē da ltha kwudangang, waigen kum ltha kwudungāngāni.
18Altsīilth tatlidzalē alth kīgangē lth kwudungo.
19Tlīstluan kingdomgē kil nung kwudungstlo, waigen kum an il ūnshitānsken, itan nung dāungas kātlāḡunḡung, waigen il kwutungē ā kin tlidziāgan lā stāhā il dungistlang. Kūwē kalthgwīd mātla ḵhūḡaiang kingānu anis ēdung.
20Tliga kwau ai mātla nung istias kil nung kwudungu il īching, waigen houītang alth il kwutungē lāgung, waigen kum skūshang il kātli althgang il istāns althlu kum tlāā il giangānḡung.
21Tlīstluan kin singētzā il hāndungstlo kil il yetas althlā houītang il tlidalthtāsang.
22Hōtdungal shuīt nung mātla istias kil kwudungu il īching, waigen adshi tligē gu kin isis isken, dālā ginggangan eds ishin kil il kwudungsu hōḵẖouyistlang, waigen kum hānē lā gud inastlānḡung.
23Kwiē lā ai nung mātla istias kil nung kwudungu il īching, waigen an il ūnshītung, hānē ishin lā gud inastlang, tītch waugud lagwau klēlthang, tītch waugud lagwau lth'unilthang, waigen tītch waugud klālē lth'unilthang.
24Kīgang kalat is ltha ga il istaiang, waigen hinū, il shouan, shāgē kingdomgē nung ītlinga kwulthkadis kātliā mātla lā unga tlidzāguns kingānu ēdung.
25Waigen houān ītlansidas kāstalth, lā telga nung kings kātlāgang ken wheatgē shuīt īn ishin il tlidzaiang, waigen stāhā il kaiitang.
26Waigen tlīstluan yhil inastlaiang tlo, hānē ishin inastlaiang, waigen itan īnē ishin kānḡēlang.
27Waigen anung nēlēgas kitzadalung istlāgang, waigen hin lā ltha shūtaiang, Nungītlagidas, kum gu mātla lā kwulthkadazi ā unga dung tlidzāngudja? Kītchistahā īn ishin īching?
28Waigen hin ltha il shūtaiang, dī telga nung kingsu adshi istaiang. Waigen il kitzadalung hin il shūtaiang, dahou gu īn washt ītil istada us?
29Waigen hinū il shouan tā hano: īn washt dalung dungstasken, wheatgē ishin wau alth washt dalung dungstāshang. Agwan an lth kwudungalthan inastlada tlīīdē kū:
30Waigen tatlīīd nūt gēlthstlo, tatlīīdlēilung hin lth shūtāshang, inka tlāgangultha, waigen tlaizito sissōan: waigen lth wheatgē kiagin nē ai gwuda isto.
31Kīgang kalat ltha ga il istaiang, waigen hinū il shouan, shāgē kingdomgē mustard mātlē sūtsu kingānu ēdung, nung ītlinga istaiang ken kwulthkadazi ā unga il tlidzaiang.
32Mātla wautliwan hangast gē ēdung, waigen tlīstluan inastlastlo, yhil wautliwan telgu ēdung, waigen kinlthkai isilgung, altsīilth siēt ettit isis ungadaltlāgang, waigen lthāds inku tlaouang.
33Kīgang kalat alth ltha ga il giatlindaiang: shāgē kingdomgē shibili tlikulthdouwē kingānu ēdung. Tlikulthdouwē nung chada istaiang ken shibili kwīdouwē lth'unilth shuīt il istaiang tlikulthdouwē tlaodzuwē kū.
34Ā kin isis wautliwan kīgangē ā isis Jesus ltha skūla ga alth giatlindaiang, waigen kīgangē ādang kum ltha ga il giatlindāngang.
35Tliku nung prophetgas shouan kingānu edāni, waigen hinū il shouan: kīgang alth helthli unga lth kisistlāsang: hētk tligē tlaoutliēlan stāhā kin saalgāgānu lthāalgwi lth istāshang.
36Wadlu ltha skūlasil kil istiēdang, waigen nē ik il katsaiang: lagagahatijanḡē lā an istlāgang, waigen hin ltha shouan: kwulthkadis ā īn isis alth kīgangē an lth ītil ūnshitalthta.
37Waigen hangtlan hin ltha il shūtaiang, mātla lā nung tlidzas nung ītlinga kitu īching.
38Kwulthkadisu tligē askwan īching, waigen mātla lā kingdomgē kitilungu īching: īn tlou nung daungas kitilungu īching.
39Kin telga nung kīngs īn tlidzasu hetgwaulana īching: waigen hētk tligē tlanelgēu tlīīdāgung, waigen tatlīīdlēilung an angelgas gē īching.
40Altsīilth īn gwuda istiāgang ken ltha tlaizadāni, waigen zanoē ā hōgālani: kingān adshi tligē ishin tlanelgē edasang.
41Nung ītlinga kit angels unga kil istiēdashang, waigen kingdomgē stāhā langa kin dāunga wautliwan isken, ga dāungas gē ishin gwuda ltha istāshang:
42Waigen zanoa kladska kātli ā ltha ltha istāshang giouk sahaigāsēsi gwau, waigen zing unga kōkopitasēsī gu ishin.
43Itan ga las gē juiē kā kītīchings kingānu hatgāshang. Kin kwudungūng ḵū nung daas lth agwan il kwudungda.
44Houshen, ga lasgē juiē kākītīchings kingānu Aung unga giē kingdomgē gu edasang. Shāgē kingdomgē kwulthkadazi ā kin kwoyās saalgāguns kingānu ēdung, waigen tlīstluan nung ītlinga kīastlo il saalēdunḡung. Il kwutungē las alth kin il daas wautliwan alth il giadouḡunḡung, waigen wadshi kwulthkadazi il dakgunḡung.
45Houshen, nung wadda lēga pearlsgē lā yūan gakinḡuns kingānu shāgē kingdomgē ēdung.
46Tlīstluan ska swaunshung il kīaiang tlo il kaiitang: waigen kin il daas wautliwan alth il giadawaiang il dakgēanā.
47Houshen, shāgē kingdomgē āat chān ga ltha istaiang kingānu ēdung, waigen skātlink gwudila ed wautliwan ltha chitlaiang.
48Tlīstluan āatē stāgānītlu ltha dungchaougālang, waigen ltha tlousken lāsi tlu gwē ltha kingstaḡangang: dāungasi tlou ltha dāngwaiang.
49Kingānu hētk tligē tlanelgē edasang. Ga angelgas gē shā stāhā istlāshang, waigen ga las gē shu stāhā ga dāungas gē ltha kingstāshang.
50Waigen zanoē kladska ai ltha ltha istāshang giouk sahaigasēsi gwau, waigen zing unga kōkopitasēsi gu ishin.
51Jesus hin ltha shūtaiang, ā kin isis wautliwan an gu dalung ūnshit? Hin ltha shūtaiang Āng Shālānā.
52Itan hin ltha il shūtaiang, takalung lēilung wautliwan shāgē kingdomgē skadas nung ītlinga nung nēlē gāguns kingānu ēdung. Kin kwoyā il daas stāhā kin houtla isken kin ḵīgā ishin istaḡunḡung.
53Tlīstluan ashgē kigangē Jesus tlanēlthtaiang tlo stāhā il kaiitang.
54Waigen tlīstluan tlīga unga gwi il stēlang tlo, churchnē hutsūs ā lthanga kin ltha il skadadaiang, altsīilth ltha kaldungāgang, waigen hin ltha shouan, kītchistahā anung ītlinga isis adshi kutungas isken lthāangwila kladska ishin istaiang?
55Kum gu nung carpentergas kit il isāng us? Kum gu il ou Mary hin kēyāng us? waigen James isken Joseph ishin Simon ishin Judas ishin kum gu il kwaialung isāng us?
56Waigen kum gu il chasalung wautliwan ishin ītil alth isāng us? Kītchistahā anung ītlinga isis ā kin isis wautliwan istaiang?
57Waigen lā an ltha kwutungēstigang. Jesus hin ltha shūtaiang: ilnigē gu unga isken nē ā unga ishin nung prophetgas isītlu kum lā ltha kwoyādaḡungānḡung.
58Waigen gaigu kum lthāangwila kladska kwan il istaangang kum kwunan ltha yetāngani althlā.
Àwon tá yàn lọ́wọ́lọ́wọ́ báyìí:
Matthew 13: HAIDA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
First published by the British and Foreign Bible Society 1891-1899.