Magə Nəchwaakənə́ nə́ aŋwaʼlə zəənə́
Nəchwaakənə́ nə́ aŋwaʼlə zəənə́
Nkɨ yi Əshîʼnə ńdzoŋ ndzaŋ Magə a nə ŋwaʼlə̂ nə́ ə́ chwáakə lə́ nə́ atsáb zɨ ńgə́ “Nkɨ yi Əshîʼnə ńté Yeso Klisto, Mɔ́ Əsê.” Pə́ nəələ̂ Yeso lə́ ándó ŋwu páʼ a nɨd nə́ atséebə ají lə́ á ntsoolə afaʼə ńkə́ ńtúg mətɨ mbɔʼə a sóŋ ńgə́ anuə lɔgə̂ aliʼ zə́ələ́ kə́ ńdɔgə̂ aliʼə́. Pə́ zɨ́ mətɨ mí lə́ ndzaŋə a zéʼkə nə́, ndzaŋə a túg nə́ mətəənə á ndu Pəpɛ̌sê ńkə́ ḿbə́ ndzaŋə ä ləgnə̂ nə́ pətəpɔŋ pə́ pəənə; Yeso a tsáb ńté mbɨ əjǐə ándó Mɔ́ Ŋwunə, páʼ a nə ńgyǐ nə́ á mə́ fɛ̂ nə́ nchîmbî əjǐ ńjî ńgə́ mbɔʼ a chwádkə pəənə á mə́m pətəpɔŋ póobə́.
Magə ä fiʼtə̂ póʼ ńté Yeso nə́ ndə̌ŋdəŋ ndúmə, nə́ ndú páʼ ə́ ŋwaʼ nə́, ńkə́ ḿbɨ sóŋ mənu Yeso a nə faʼ nə́, ńkě pə́ tsɔʼə nə́ ətsáb əpí pópə ndzeʼkə́ əjǐ pô. Ndzaŋə ándó a nə sóŋ nə́ mɔ́ akəmə atsáb ńté Jɔn Əfɛ̂nkǐ lə́, ńkə́ ḿbɨ ə́sóŋə anu ńté Akwáalə́nkǐə Yeso pó Akwaʼlə ají lə́, ŋ́ŋwaʼlə̂ aŋwaʼlə, á ghɛn nə́ mbiə á mə́ sóŋ nə́ anu ńté afaʼə Yeso a mə tsóʼ nə́ pɨ ə́ kə́ zéʼkə ághóobə́. Ndzaŋə ándó ndɛd nə ńtə́ nə́ ńgɛnə̂ lə́, ngaŋə́zoŋə́ndzəm Yeso lɔg ndɛlə́ á mə́ chígə́ nə́ jîə ŋwu páʼ Yeso a nə ḿbə́ nə́ wə́ələ́, lə́ ngaŋkə́pa Yeso pəənə̂ ńgɛnə̂ á pə́ nə́ mbi nə́ təpɔŋ əghoobə́. Ndwigtə akəmtə aŋwaʼlə ghɛn á sóŋə anu ńté ndwigtə ngab páʼ Yeso a nə́ ńchî nə́ á ndu mbîə, ḿbə́ pə́ nə́ ndzaŋ pə́ kə kwumtə̂ nə́ yə́ a pɨ ńkə́ ńjúmnə nəwû lə́.
Əliʼ pɛ́n pɛ̌ páʼ ə́ lwigtə̂ nə́ Nkɨ yi Əshîʼnə ghɛn, pə́ lɔg ńgə́ pɨ́d lə́ nə́ ŋwaʼlə̂ ŋwu yi ndaʼə, lə́ nə́ ńkě Mag Ŋwaʼlə̂ pô.
Ndzaŋə Ándó Aŋwaʼlə Zəənə́ á Chî nə́
Ndzaŋ Nkɨ yi Əshîʼnə ghɛn chwáakə nə́ (1.1-13);
Ndzaŋ Yeso a nə sóŋ nə́ anǔəsê á əshîsaŋə á Galili (1.14–9.50);
Ə́fɛ́lə Galili ńgɛnə̂ á Jɛlusalɛm (10.1-52);
Ndwigtə ngab páʼ a kə chî nə́ ḿbáatə Jɛlusalɛm pópə mə́m əjǐə (11.1–15.47);
Ndzaŋ Yeso a nə ńjúmnə nə́ nəwûə (16.1-8);
Ndzaŋ Mmaʼmbîə a nə nɨd nə́ mbɨ əjǐ ńtíʼ ńkɔ́ʼ ńgɛnə̂ nəpóolə (16.9).
Àwon tá yàn lọ́wọ́lọ́wọ́ báyìí:
Magə Nəchwaakənə́ nə́ aŋwaʼlə zəənə́: azo
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀