Johana 2
2
1Neke pakigono kya vudatu jali navula mu-Kana mu-ńi ja mu-Galilaja. Neke na ju ṅina va Jesu nave ali pwali.
2Neke na ju Jesu nave vamukemelye kunavula navańigendwa vakwe.
3Neke lino uṅina va Jesu, avye avwene uvugimbi vwa vutoṅoni vukefu, neke baho alongage kwa Jesu atigilage: uvugimbi vusilile.
4Neke umwene Jesu apilusage atigilage: tuli vuki nani nave, ve muki-ṅinavw’ave? Isala jangu jisina jifikila. 19, 26; Mat. 12, 48.
5Neke umwene uṅina neke avalongelage avali-milavangi neke atigilage: lwe ikuvalongela, mulu-gendelage.
6Neke lino pali podzili baho indzilo dza lulenga dzili mutanda, gyali gye mikalavile gya va-Juda, idzingi dzali ńafigelelo fivili, idzingi dzali ńafigelelo fidatu. Mal. 7, 3. 4.
7Neke baho Jesu neke avalongelage atigilage: ululenga mumemyage indzilo idzi. Neke baho vanegelelage, neke lumemage baha mulomo.
8Neke baho atigilage: lino munegage mukamupelage umuńa-kugavasa. Neke baho vakamupelage.
9Neke umwene umuńa-kugavasa neke avunodza-ndzage uvugimbi, uvukali lulenga. Neke lino umwene asavudzelye na kwe vuhumile, vavudzelye avalimilavangi, avanegile nululenga. Neke baho umuńa-kugavasa neke amukemelage umutodzi neke amulongelage atigilage:
10vonda avanu vitala vitavula tasi uvunofu, neke ngana vagalile, apo swe lino vileta imivîfu. Neke lino uveve ukivikye uvunofu tândi.
11Kwali kwe kwamula ifilŏle neke amulye mu-Kana mu-Galilaja. Neke adzisikulage indolo dzakwe, neke navańigendwa vakwe neke navo vamufuvwage. 1, 14.
12Neke baho vasulunukilage ukuhelela mu-Kapelenahumu ju mwene na ju ṅina na va vanuṅuve navańigendwa vakwe neke vikalage kuko ifigono nde filingi hela. 7, 3.
13Neke na ji pasa ja va-Juda najo jahegelye; neke baho Jesu inukilage ku-Jelusaleme.
14-16: cf. Mat. 21, 12. 13; Mal. 11, 15-17; Luk. 19, 45. 46.
14Neke baho akavonage vikalile mutembele nava-gulaga iṅambako niṅolo ningundya navakovoṅa-saga imâli.
15Neke avilasage indzidzi neke ludzukage lusa-mbala. Neke baho avadagage vonda mutembele na dzi ṅolo dzanavo na dzi ṅambako dzanavo navakovoṅasaga imâli neke asukuliṅasage na ji mâli janavo nifitala fyanavo neke afikunamulage.
16Neke avene, avagulaga ingundya neke avalongelage atigilage: muhege nafyo ifi pano. Ińumba ja dâda mutane ukujihambusa ngita ńumba ja vugudzi.
17Neke baho avańigendwa vakwe neke vaku-mbukage ilidzwi, ilyolilwe pahâte, ilya kuta: umufulo ugwa pańumba jako gukundya.
18Neke baho ava-Juda neke vamuvudzage neke vatigilage: ukutuvonehedza ikilŏle kiki, mwe vwiletela lond’ulu? Mat. 21, 23.
19Neke umwene Jesu apilusage atigilage: lino uńeńe mumamulage ikyânga kya tembele iki, apo unene ndilakidzusa kipya pa kya vudatu. Mat. 26, 61; 27, 40.
20Neke baho ava-Juda vapilusage vatigilage: avajidzengaga itembele iji, vadzengile imyâka makyumi gataji na gili mutanda (46), neke uveve vwitigila: vwidzusa mya pa kya vudatu?
21Neke umwene aselengaga umuvili gwakwe, je kyânga kya tembele gugo. 1. Kol. 6, 19.
22Neke avye adzulubwike kuvafwe, neke baho avańigendwa vakwe neke valukumbukage, lwe alongaga neke baho vajifu-vwage nihâte nuludzovo, lwe alongile Jesu.
23Neke lino avye ali mu-Jelusaleme pakyâka kya pasa neke valifuvwage avolofu ilitavwa lyakwe, vavye vafivwene ifilŏle, fye avonesaga.
24Neke lino umwene Jesu ujo asavakyaga nda, pakuva umwene avakagulaga vonda.
25Neke umwene asasa-kulaga umolesi uva kumoleíela idza kwe munu; ndivwene alukagwe ju mwene ulugenda mwileme lya munu. Mal. 2, 8.
Àwon tá yàn lọ́wọ́lọ́wọ́ báyìí:
Johana 2: II
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
New Testament in Bena © Bible Society of Tanzania, 1958.