Rute Siaman Nombia
Siaman Nombia
Doo nyi Rute tɔne yɛɛ wosefɛɛreŋ nombia ŋa mɔna be ŋmarase ke bo debaŋ keŋ akpanyanyaŋ nombia be kɔŋ Nombiadiira tɔne man nɛ. Rute yɛɛ Moabe alo te ɔ kaa yala Iserae baale. Ɔ baale ka yeŋ na te Rute kaa lese kegyae kpoo daale wola wa awu Iserae alo ŋon te ɔ moo ɔ wose lɔ Iserae Wurubuarɛ ŋon dɔɔ nideli. Kei wɔle na ɔ kaa nyiŋa baale wɔle lee ɔ baale bene ŋon loŋtoro man yala. Lee yale kei man te ɔ kaa bese Iserae gyoo dinaa Dawide ɔ naana naana alo.
Nombiadiira tɔne keŋ na wola nombiikum keŋ be yala Wurubuarɛ balaŋ debaŋ keŋ bɔɔ lee Wurubuarɛ wɔle nɛ. Te Rute tɔne ne kolosi lee nyeebam keŋ ŋɔɔle be yɛɛ lee keŋ ɔ ba mo ɔ wose lɔ Iserae Wurubuarɛ dɔɔ nɛ. Lee keŋ dɔɔ ɔ kaa bese Wurubuarɛ balaŋ baŋ bee di anokoare fa e nɛ.
Tɔne keŋ man nombia tuturu
Rute kesila Naomi kɔŋ Bɛtelɛhɛm 1:1-22
Rute na Boase kegyaŋee 2:1-3,18
Boase keyala Rute 4:1-22
Àwon tá yàn lọ́wọ́lọ́wọ́ báyìí:
Rute Siaman Nombia: NTR
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
2026 Ghana Institute of Linguistics Literacy and Bible Translation