Kìkì Ọ̀rọ̀ Kan Tí Yíó Yí Ayé Rẹ PadàÀpẹrẹ

Agbára Kìkì Ọ̀rọ̀ Kan

Ṣètò

Ìpinnu Ọdún Tuntun kìí ṣiṣẹ́!

Awọn ipinnu Ọdun Tuntun ko ṣiṣẹ!< / p > < p > aadọta ogorun ti awọn oluṣe ipinnu kuna ni opin Oṣu Kini ati 9 ninu 10 kuro ni Oṣu Kẹta! Nitorinaa dipo awọn ipinnu, gba Ọrọ Kan fun ọdun... ṣugbọn ṣọra! O le kan yi o.

Bí èròngbà ọkàn rẹ báni "ó gbọdọ̀ jẹ́ ṣíṣe" bíi ti tàwa náà, o ti kó ipa tìrẹ nínú ṣíṣe àgbékalẹ̀ àfojúsùn ní ìbẹ̀rẹ̀ Ọdún Tuntun kọ̀ọ̀kan. Ẹ̀wẹ̀, bí ọjọ́ ṣe ń gorí ọjọ́, a máa tọjú sú wa bí a kò bá kún ojú òṣùwọ̀n àwọn ètó èròngbà ńláńlá wa. A máa ń fẹ́ ṣe àṣejù, látàrí èyí a kìí ṣe ohunkóhun bó tí tọ́ àti bó ti yẹ.

Ní ọdún 1999, a bẹ̀rẹ̀ ìfarajì kí a máa ṣe ágbékalẹ̀ Kìkì Ọ̀rọ̀ Kan fún ọdún tó ń bọ̀. Bẹ́ẹ̀ni -Ọ̀rọ̀ Kan. Kìì ṣe àkópọ̀ ọ̀rọ̀ tàbí gbólóhùn, ẹyọ ọ̀rọ̀ kan ni. Nípa fífojúsí Kìkì Ọ̀rọ̀ Kan, a ti ní ìrírí ìyípadà aláìlẹ́gbẹ́ nínú ayé wa lọ́dọọdún. Nígbàtí o bá ṣ'àwárí Kìkì Ọ̀rọ̀ Kan tìrẹ fún ọdún, yíó fún ọ ní òye kedere, ìtara àti èrèdí fún ayé rẹ.

Ṣíṣe àmúlò Kìkì Ọ̀rọ̀ Kan yìí maá ń mú ìrọ̀rùn àti àfojúsùn wá. A máa gé ìdènà kúrò, a sì máa mú wa fojúsí ohun tó ṣe pàtàkí jù. O tí pè wá níjà ní gbogbo ọ̀nà: l'ẹ́mìí, l'ára, l'érò-ọkàn, l'érò-ara, nínú ìbájọṣepọ̀ àti nínú ètò ìsúúná. Ọlọ́run ti yí wa padà nípa ìgbésẹ̀ yìí, inú Ọlọ́run dùn sí ìgbé-ayé tó yípadà.

Ó ní ìdí tí a fi ń sọ pé, "Ṣ'àwàrí Kìkì Ọ̀rọ̀ Kan fún gbogbo ọdún…ṣùgbọ́n kíyèsára.” Ní kété tí o bá ti ṣ'àwárí ọ̀rọ̀ rẹ, ogun bẹ̀rẹ̀. Èyí a máa mú ìgbésẹ̀ ẹ̀kọ́, ìdàgbàsóké, àtúnṣe, àti àtúnmọ lọ́wọ́. Ọlọ́run yíó lo ọ̀rọ̀ rẹ gẹ́gẹ́ bíi fìtílà àti dígí- tí ń tan ìmọ́lẹ̀ s'ípa ọ̀nà rẹ tó sì ń fí gbogbo ohun tó níilò àtúnṣe hàn. Áa ṣe okùnfà ìrìn-àjò ìlọsókè-lọsódò tí èrèdí rẹ̀ jẹ́ láti sọ ọ́ di ẹni tí a dá ọ láti jẹ́.

Ìrírí wa ni pé Ọlọ́run ń tètè maá ń ṣe àfihàn ètò Rẹ̀ fún ọdún nípa Kìkì Ọ̀rọ̀ Kan rẹ. Ọ̀rọ̀ yìí (ì báà jẹ́ ìbáwí, èso Ẹ̀mí, ìhùwàsí, tàbí àbùdá Ọlọ́run) yíó ṣ'àmì sí ọ fún gbogbo ọdún! Nítorí náà ṣ'àwárí Kìkì Ọ̀rọ̀ Kan tìrẹ fún ọdún kí o sì ṣe àjọpín rẹ̀ pẹ̀lú àwọn ẹlòmíràn! Ó kàn lè yí ayé rẹ padà!

Lọ
1. Kíni Ọlọ́run ń bá ọ sọ ní ọdún tó kọjá yìí?
2. Àwọn ibo ni Ọlọ́run ti fẹ́ kí o ṣàkóso ayé rẹ kí o sì lòó fún ògo Rẹ̀?
3. Báwo ní Ọlọ́run ṣe fẹ́ gbé ọ kalẹ̀ fún ọdún tó ń bọ̀?

Ṣiṣẹ́ tọ
Sáàmù 27:1-14; Lúùkū 18:22; Máàkù 10:21

Àlékún
"Olúwa Rere, mo bèèrè pé kí O ṣe ọdún yìí ní èyí tí ó ń yí'ni padà. Fi ara Rẹ hàn fún mi bí O tí ń fi ohun tí Kìkì Ọ̀rọ̀ Kan yíó jẹ́ hàn mí. Fi Ẹ̀mí Mímọ́ Rẹ kún mi. Mo mọ̀ pé ìrìn-àjò ẹ̀kọ́ ni kìí ṣe iṣẹ́ tó ní gbèdéke ibi tó parí sí. Fún mi ní okun bí màá ṣe máa gbé ìgbé-aye Kìkì Ọ̀rọ̀ Kan mi lójoojúmọ́. Ní orúkọ Jésù, àmín."

Ṣé o fẹ́ Ètò Ìgbésẹ̀ Kìkì Ọ̀rọ̀ Kan? Ṣe àgbàsílẹ̀ rẹ̀ lọ́fẹ̀ẹ́ ní GetOneWord.com