Gewilde Bybelverse vanaf Rukasi 22

Deel

– Emomorijaua rã rè ajimopirai, Papa. Nepota manyvo terereko tajimomorijau e'ã remẽ, i'ete. Ajamã'ẽ manyvo nere tari terereko katu jimomorijaua wyi remẽ, i'e teve. Tajimomorijau ãmẽ, e'i. Neremimota rupi tè ta'evo aiko ãmẽ, a'e ene, e'i Jesu oporanu Uu pè.

Ereity titetà rejupa. Ajamã'ẽ Papa pè aporegeta peupewarà mõ, terejirovija jẽ ere neiko. Nejivy mijẽ ekoty remẽ, emokasi nevoarà kõ tojirovija jẽ ere kupa, e'i.

Ajaire meju opyy. Omoete rã'ĩ Janejare'e ee. Ajaire openo peno imosãi ijupe kõ to'u kõ. – Aã pepyy iwa. Epirà ra'upa tè aã meju ame'ẽ tape'u, e'i. Amãnõtà peupewarà mõ [Janejare'e tè tojimory pene ãmẽ ky'y]. Agyvoa rupi emãnõawerà rè peja'atà, e'i.

Ãwĩvo ve ojimi'u kupa paire, Jesu kaneku opyy mijẽ, uvary aisiriri katu mã'ẽ rena. Kee e'i ijupe kõ: – Eruwykwerà ra'upa tè aã [uvary aisiririkwerà], e'i. Aã pe'u, e'i. Kee jaa tè agyvoa. Aã rupi ojikuwatà Janejare'e rè jajimory mã'ẽ. Amãnõ remẽ eruwykwerà oẽtà opepeità peaiwererà repykarà mõ. Emãnõa rupi Janejare'e ayvu pyaukwerà aje ywete mã'ẽ ojiãparõtà, e'i. [Aepo e'i paire yveve ome'ẽ ijupe kõ erokwa.]

Ãmẽ Jesu ipy'a pirai tesõ iko. Ajawyi oporegeta mijẽ Uu pè, ojimokasioka mijẽ. Ipiri'aiwerà tuwykwerà vo tesõ osururu yvy pè upa.

Na'evo'ãi ãmẽ pepytery pè. Ajawyi pepyterà rupi jo'arà kytywarà jowyry kytywarà vo 'ejẽ toposiko ipi. Temĩgwai vo 'ejẽ tapeiko poropãtavõarà rõmõ ãmẽ, e'i ijupe kõ.

Aepo renu e'i ãmẽ Jesu: – Age'e pya ereitytà neo rejupa! “Jesu nakuwai”, ere rã'ãgatà eupewarà mõ, e'i. Moapy 'arà rõmõ tesõ aepo ere rã'ãgatà, e'i. Masakara noje'ẽive remeve a'evotà neiko. Aje ywete a'e ene, e'i Jesu Peturu pè.