Gewilde Bybelverse vanaf JOAN 14

Deel

“Yéponamem nolukíng ngo mebidung; ngokke dengomem nolum ngo bidung. Ngo nolum tani among sokke amie binam kísape bimang. Noluke aapí aange míídír sumapeka delokke pesomapeka.

Jisu bí pobito, “Ngomino bedange, arue delokke turname. Séko kelokte Abu kelo aalamang, ngokke petom lokmin aaladune.

“Noluke aapíe míídír sumapeka. Shédíkíng míída sulangka; ngokkíng míída sulangka.

Idakkom Abue ngokke amínlok melík penam igulna, Deena Aide takam atíem nolum poyilla delokke ngokke nolum potonam takamem kénsu moyéku.

“Séko bulu ngokke ngiitomem bomla delokke dekedem igedudi, bímin ngom ayane. Séko ngom ayadudí bím ngokke Yayi bí ayayé, delokke ngote bím ayayé delokke agíem lengkan subiyé.”

Delokke ngo Abuem kobiyé delo nolum bí Igulpena konko nolukíng yéyar bosudope biyé de Shédíke aruem lengkanna Aide. Tani amonge bím torík sulamang, kapeila de bím kaapete kaamang delokke kénpete kénmang. Idola nolu bím kéndung, legade bí nolukíng duudung delokke nolukíng duuyé.

Nolu ngokke amínlok ingko ingkuem koyédí, dekedem ngo ibiyé. Nolu ingkona atíko ngokke amínlok koyédídem ngo biyé.

“Nolu ngom ayadumílo, nolu ngokke polígem tatyé.

Ngokke Yayike ekumlo duupeko mílí idung. Ngo noluke dungkuem delo iruu bikape gídak. Depe imangamílo, ngo nolum pomayai.

Delokke ngo gíla noluke dungkuem irung bimílo, ngo aalat langkula nolute ngokke dungkolo duudope nolum ngokkíng langaayéku.

Thoma bí Jisume pokai, “Ruutume, no ingkolo gídakdí ngolu kénmang, depeila kape kísa bedangem kényéne?”