Gewilde Bybelverse vanaf JOAN 15

Deel

“Ngomino onggur ane, nolu aag kídare. Tanie ngokkíng duula delokke ngo bíkkíng duumílo, bí ayém bojépe ééyé; ngokke kékondelo nolu atí ilamang.

Ngokkíng dunggap langka, delomin ngote nolukíng dunggap yéne. Aage agí agísue ayé ééna kamang; de anelo duuperung aido. Nolukom ngokkíng duumamílo ayé ééla sumang.

Nolu ngokkíng duumílo ngokke agomekom nolukíng duudung, delo nolu ingkuem míídudí kolangka, nolum dem biyé.

Nolu ngom ullenmato, idola gígoola duuyar pena ayém énggedope ngomino nolum ullentone. Delokrongem Abue nolum ngokke amínlok konam takamem biyé.

Akone agí angong legape agí turnamem bisunam ayadem botteyana ayang kamang.

Bí ayé éémana ngokkíng duuna aagem pabíndung, delokke ayé ééna aag miyongem ayé bojéyape éédope ngébíndung.

Ngokke ngiitome si: ngokke nolum ayanam kísape ayabosu langka.

Nolu bojépe ayé éédope, nolu agíem ngokkelo luyilsune emla lengkan sunam demin ngokke Abuke angun ralnamde.

“Ngomino onggur ane arode delokke ngokke Abu bí bagan ruutume.

Séko ngokkíng duumadí, bí yoppaknam delokke sanpakna esing aag kísane, sikena aag kídíem uudumsula emelo yoplíkla rompakdo.

Ngokke sim ponamde ngokke ashénge nolukíng duudope emla podung.

Nolu ngokke ngiitomem igemílo, ngokke Abuke ngiitomem igela bíkke ayalo duuyé.

Mipile ayang bosulangka: simino ngokke ngiitome.”

Nolu tani among sokkepe ituamílo, si nolum agíke kísape ayasuyai. Idola nolu tani among kepe imang; idakkom ngomin nolum tani amosok tomlentune. Depe ilamin tani amonge nolum akdune.