Gewilde Bybelverse vanaf Roukos 3

Deel

Orowa, utara obitta baptisma akore imakake Yesu ne yakka baptisma akore, awa, inonno-itak ki rapoketa kando makke, aige, Ashkanne Ramat kusuwep netobake katuhu nei no an katuhu koro wa ran hine kashiketa ek, samata, kando orowa hawe anu, — Aokai anak ne Ku omap an Roho ne; Kuani Aokai shiri enupetne ruwe ne, ari itak.

Son no newa kuani wakka ani baptisma echi kore ash; koroka, en kasu no kiroroashnu guru ek, koro keirʼat ku pita katap tukarike ku ure echiu ruwe ne :— shinuma Ashkanne Ramat newa abe ani baptisma echi kore na

Tambe gusu, yaikokatpak uweepeka ibehe hetukure yan, orowa, chikoro michi gusu Abraham an sekorʼan yainu-hi ani echi keutura ta iteki ye heashire yan; inambe gusu ne yakun, echi otta ku ye, Kamui anak ne teda okai shuma ani Abraham gusu poho hetukure eashkai ruwe ne.

Tane ne yakka mukara anak ni shinrit ta aande wa an: tambe gusu, pirika nikaop shomo hetukure chikuni anak ne obitta otuiba wa abe oshiketa aeyapkiri ruwe ne.

uweingara guru Isaya itak chieshin-nuye wa an kambi kashiketa an ap korachi ne :— Nup otta ainu hawe anu wa ye, Utarapa ruhu etokooiki, Koro apkash ru kuwanno kara yan. Obitta no okai pinnai anak ne pishno ashikte kusu ne; Nupuri newa hum anak ne pishno aramde kusu ne; Oheugep anak ne kuwanno ne akara, Tokitokik ru anak teshnatara ne kusu ne, Orowa, utara obitta Kamui kashiobiuki-i nukara kusu ne na.