Gewilde Bybelverse vanaf Jesaja 51

Deel

Die Here sê: “Dit is Ek wat dit weer goed sal laat gaan met julle. Hoekom is julle bang vir mense wat kan sterf? Hoekom is julle bang vir mense wat soos gras is en gou doodgaan?

Ek het my woorde in jou mond gesit en Ek het jou toegemaak in die skaduwee van my hand. Ek het die hemeldak gemaak en Ek het die aarde op sy plek gesit. Ek het vir die mense van Sion gesê: Julle is my volk.”

“My volk, julle weet wat reg is, julle weet wat Ek wil hê, julle moet luister na My. Julle moenie bang wees wanneer mense julle spot nie, julle moenie skrik wanneer mense sleg praat van julle nie.

Regtig, Ek sal dit weer goed laat gaan met Sion. Die stad is nou net hope klippe, maar Ek sal dit weer daar goed laat gaan. Dit lyk nou soos 'n woestyn, maar Ek sal dit laat word soos die tuin in Eden. Dit lyk nou soos 'n droë stuk grond, maar dit sal word soos die tuin van die Here. Die mense in die stad sal vrolik en bly wees. Hulle sal sing en hulle sal vir My dankie sê.”

So sal die Israeliete nou terugkom wanneer U hulle vrymaak. Hulle sal juig en aanhou om bly te wees wanneer hulle in Sion kom. Hulle sal vrolik wees en lag, hulle sal nie meer bekommerd wees en nie meer sug nie.