Gewilde Bybelverse vanaf Spreuke 20

Deel

Wanneer iemand slegte dinge gedoen het aan jou, dan moet jy nie sê jy sal ook slegte dinge doen aan hom nie, jy moet wag vir die Here, Hy sal jou help.

'n Mens kan nie self weet wat met hom sal gebeur nie. Dit is die Here wat besluit wat met ons sal gebeur.

Die mens se gees is die lamp van die Here, dit ondersoek alles wat 'n mens dink en doen.

Wanneer iemand goed dink voordat hy vir ander mense sê wat hulle moet doen, dan is dit soos water in 'n diep put. Verstandige mense skep daaruit, hulle luister na wat hy sê.

Iemand wat skinder, sê dinge wat ander mense nie moet weet nie, jy moenie vriende wees met iemand wat nie oppas wat hy sê nie.

Mense respekteer iemand wat nie wil twis nie, elke dwaas wil graag stry.

'n Mens wat reg lewe, lewe eerlik, en sy kinders wat ná hom kom, is gelukkig.