Gewilde Bybelverse vanaf Johani 5

Deel

Hizinene, nziku ka nwina: Loyi a zwako a mhaka ya mina, ni ku kholwa loyi a nzi rumileko, i na ni wutomi ga pinzukelwa; zonake a ngati kulamulweni, kanilezi i humele kufeni, a enghena wutomini.

Laha Jesu a nga mu wona na a etlele kona, a zi tiva lezaku i tshamisile lezo a xikhati xa hombe, aku kakwe: Wa zi ranza ku hanyiswa ke?

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. A mu vumeli kuta ka mina, kasi mu fela ku kuma wutomi.

Jesu aku ngalo kakwe: Vuka, u teka sango ga wena, u famba. Mat. 9:6 Mar. 2:11 Lu. 5:24 Zalezo a munhu loyi i lo hanyiswa, a teka sango gakwe, a ti fambela. Kanilezi a siku lego gi wa hi sabado.

Jesu i lo hlamula, aku ngalo kabye: Hizinene nziku ka nwina: a Nʼwana a nga zi koti ku ti sangulela a tira nchumu, ntsena lezi a zi wonako na zi mahiwa hi Dadani; hakuva ni zihi zilo Dadani a zi mahako, lezo ni Nʼwana i zi mahisa lezo.