Gewilde Bybelverse vanaf ଯୋହାନ୍ 3

Deel

ଏନ୍ଦେର୍‌ଗେକା ପାର୍‌ମେଶ୍ଵାର୍‌ସ୍ ଦୁନିଆଁନ୍ତା ଆଲାରିନ୍ ଏତ୍‌କ ବାନେ ହାଖ୍ଖୀୟାସ୍ କା, ଆସ୍ ତାଙ୍ଘାଏ ଅଣ୍ଟା ଖାଲି ହାଦ୍ଦୁସିନ୍ ଚିଚ୍ଚାସ୍ ଲାଗ୍ଗିୟାସ୍, ତାକା ଏକାସ୍ ଆସ୍‌କି ମିଆଁ ବିଶ୍ଵାସ୍ କାମ୍‌ଦାସ୍, ଆସ୍ ଆତ୍ମିକ୍ ରୂପ୍‌ତି ନାଶ୍ ମା ମାନ୍‌ଦାସ୍, ବରନ୍ ସବୁଦିନ୍‌ତା ଜୀବନ୍ ହାଖ୍ଖଦାସ୍।

ଏନ୍ଦେର୍‌ଗେକା ଦୁନିଆଁନ୍ତା ଆଲାରିନ୍ ଦୋଷୀ ଠାହ୍‌ରାଗେ ପାର୍‌ମେଶ୍ଵାର୍‌ସ୍ ତାଙ୍ଘା ହାଦ୍ଦୁସିନ୍ ଦୁନିଆଁନୁ ମାଲ୍ଲା ତାଇୟୁସ୍, ଦୁନିଆଁନ୍ତା ଆଲାର୍ ଆସ୍‌କି ଦ୍ୱାର୍‌ନୁ ପାପ୍‌ତି ବାଛ୍‌ରାଗେ ଆସିନ୍ ତାଏକାଦାସ୍।

ଯୀଶୁସ୍ ଆସିନ୍ ଯାବାବ୍ ଚିଚ୍ଚାସ୍, “ଏନ୍ ନିଙ୍ଗାନ୍ ସତ୍ତୁ-ସତ୍ତୁ ତେଙ୍ଗାଲ୍‌ଦାନ୍, ଯଦି ନେଦିନ୍ ଆରୁଅହନ୍ ଜନମ୍ ମା ମାନସ୍, ତା ପାର୍‌ମେଶ୍ୱାର୍‌ସ୍ ଏକାସାନ୍ ରାଜୀ କାମ୍‌ଦାସ୍ ଆବନ୍ ଏରା ପଲ୍ଲଦାସ୍।”

ଏକାସ୍ ଆସ୍‌କି ମିଆଁ ବିଶ୍ଵାସ୍ କାମ୍‌ଦାସ୍, ଆସିନ୍ ଦୋଷୀ ଠାହ୍‌ରିକିରି ଦଣ୍ଡ୍ ମା ଚିଆକାଇ, ଲେକିନ୍ ଏକାସ୍ ଆସ୍‌କି ମିଆଁ ବିଶ୍ୱାସ୍ ମା କାମ୍‌ଦାସ୍, ଆସିନ୍ ଦୋଷୀ ଠାହ୍‌ରିକିରି ଦଣ୍ଡ୍ ଚିଆ କେର୍‌କିଚି; ଏନ୍ଦେର୍‌ଗେକା ଆସ୍ ପାର୍‌ମେଶ୍ୱାର୍‌ସ୍‌କି ଅଣ୍ଟା ଖାଲି ହାଦ୍ଦୁସ୍‌କି ମିଆଁ ବିଶ୍ୱାସ୍ ମା କାମ୍‌ଚାସ୍।

ଏକାସ୍ ବିଲ୍ଲୀ ଲେଖା ରାଦାସ୍ ଆସ୍ ଦୁନିଆଁନୁ ବାର୍‌ଚାସ୍ କେର୍‌କାଦାସ୍ ଲେକିନ୍ ଆଲାର୍ ଏକାସ୍ ବିଲ୍ଲୀ ଲେଖା ରାଦାସ୍ ଆସିନ୍ ପସନ୍ଦ୍ ମା କାମ୍‌ଚାର୍। ଲେକିନ୍ ଉହା ଲେଖା ଖାରାପ୍ ନାଲ୍‌ଖୁନ୍ ବାଗ୍ଗେ ପସନ୍ଦ୍ କାମ୍‌ଚାର୍, ଏନ୍ଦେର୍‌ଗେକା ଆବ୍ଡ଼ାର୍‌ଘି ନାଲ୍‌ଖୁଦ୍ ଖାରାପ୍ ରାଚା।

ଜରୁରୀ ରାଇ କା ଆସ୍ ମାହାନ୍ ମାନସ୍ ଆରୁ ଏନ୍ ଛୋଟେ ମାନନ୍।

ଏନ୍ଦେର୍‌ଗେକା ଏକାସ୍ ଖାରାପ୍ ନାଲ୍‌ଖୁ କାମ୍‌ଦାସ୍, ଆସ୍ ବିଲ୍ଲୀବନ୍ ପସନ୍ଦ୍ ମା କାମ୍‌ଦାସ୍, ଆରୁ ବିଲ୍ଲୀଘି ଚାହାନୁ ମା ବାର୍‌ଦାସ୍, ଏନ୍ଦେର୍‌ଗେକା ଆସ୍‌କି ଖାରାପ୍ ନାଲ୍‌ଖୁ ଏଥ୍‌ରକୋ।

ଏକାସ୍ ହାଦ୍ଦୁସ୍‌କି ମିଆଁ ବିଶ୍ଵାସ୍ କାମ୍‌ଦାସ୍, ଆସ୍‌କେ ସବୁଦିନ୍‌ତା ଜୀବନ୍ ହାଖ୍ଖର୍‌କିଚି; ଲେକିନ୍ ଏକାସ୍ ହାଦ୍ଦୁସ୍‌କି କାତ୍‌ଥାବନ୍ ମା ମାନ୍‌ଦାସ୍, ଆସ୍‌କେ ଏକ୍‌ଲାହି ସବୁଦିନ୍‌ତା ଜୀବନ୍ ମା ହାଖ୍ଖରିଦ୍, ଲେକିନ୍ ପାର୍‌ମେଶ୍ଵାର୍‌ସ୍‌କି ଖୀସ୍ ଆସ୍‌କି ମିଆଁ ରଦ୍ ଆରୁ ଆସ୍ ଆସ୍‌କେ ଜରୁର୍ ଦଣ୍ଡ୍ ଚିୟସ୍।”

ଏସ୍‌କେ ମୁଶାସ୍ ଶୁନ୍‌ଶାନ୍ ଆଡ୍ଡାନୁ ପିତ୍ତାଲିଘି ନେର୍‌ରୁନ୍ ମିଆଁ ଟେକ୍‌ଚ୍‌କାଚାସ୍, ହନ୍ନେନ୍ ଏସ୍‌କିନ୍ ହାଲେ ମୁନୁଷ୍ ହାଦ୍ଦୁସିନ୍‌ହି କ୍ରୁଶ୍ ମିଆଁ ଟେକାକୋ

ବାଙ୍ଗ୍‌ସ୍‌ ହାଦ୍ଦୁସିନ୍ ବାନେ ହାଖ୍ଖଦାସ୍, ଆରୁ ଆସ୍ ଆସ୍‌କି ହେଖ୍ଖାନୁ ଜାମା ଅଧିକାର୍ ସୋଁପେଚିଚ୍‌କାଦାସ୍।